Shillong, Nailur 20: U Lt Gen DS Ahuja, General Officer Commanding, HQ 101 Area mynta ka sngi u la leit ban jngoh ia ka Assam Regimental Centre bad ia kren bad ki 76 ngut ki khynnah jong ka North East kiba don 76 ngut hapoh jong ka Boys Sports Company kaba la seng dang shen da ka kynhun shipai jong ka Assam Riffle ia kaba la plie ha ka 15 tarik mynta u bnai.
Kane ka Boys Sport Company jong ka Assam Rifle ia mynta ka ai jinghikai ha ki saw tylli ki jingialehkai, ka Wushu, Boxing, Hockey bad Weight Lifting. Kine ki khynnah baroh kiba la shah jied kila pyndep ia ki jingtest baroh hapoh jong ka SAI kaba don ha Pune kine ki khynnah ki dei kiba hapdeng ka rta 11 bad 14 snem bad la shah kyrpang tang haduh 16 snem ia kito kiba la ia shim bynta ha ki jingialehkai jong ka pyrthei.
Ia kine ki khynnah la jied na baroh ki jylla jong ka dong shatei lam mih ngi jong ka Ri India bad ka jingjied ka long beit ha ka jinglah ka jong ki shimet. Kine ki khynnah kiba la shah jied ki ioh ia ka jaka sah bad ka skul khlem da don kano kano ka jingsiew lem bad kiwei kiwei ki jingdon kam ia ki la hikai da ki nonghikai kiba kyrpangh jong na ka SAI.
Ha kane ka jingiakynduh na ka liang jongu GOC 101 u la ai ka jingiaroh ia kane ka kynhun shipai kaba la shim khia kumno ban kyntiew ia ki kam ialehkai, ha ka juh ka por u la ai mynsiem ia kine ki khynnah ba kin leh bah ha ki jingialehkai baroh kaba ki la ioh ki jinghikai bad kane kala long kum kanwei ka jingsdang jong ba kin ioh rung ha ka kam shipai.
