La khang ban ia khaii sniang na kawei ka District sha kawei pat hapoh ka jylla: Prestone

Shillong, Jymmang 02: U Symbut myntri rangbah ka jylla u bah Prestone Tynsong u la iathuh ba la ioh ia ka kaiphot ha kaba ia dei bad ka jingiap jong ki sniang ha Assam bad Arunanchal Pradesh kaba la test hapoh ka laboratory jong ka ICAR Bhopal ba la pynthikna ba ka jingiap jong ki sniang ha kito ki jylla la tip kum ka “African Swine Flu”.

Haba ia dei bad katei ka jingiap jong ki sniang ha kitei ki ar tylli ki jylla ka sorkar Meghalaya mynta ka sngi kala shim ia ka rai ban khang ia ka jingthied sniang na sha bar ka jylla bad kum juh la khang ia ka jingiakhaii ia ki sniang na kawei ka District sha kawei pat hapoh jong ka jylla.

Ha ka juh ka por u Bah Prestone u la ong ba ka sorkar ka shah ban shoh doh sniang tang lada ki sniang ki dei napoh jong ka District, la bthah ruh ia ki paidbah haba ki shet ki dei ban das het bha namar lada don khniang jingpang ruh un iap noh haba la shet bha.

Na ka liang jong ka sorkar kala bthah ia baroh ki doktor Veterinary ba kin leit ban jurip ia ki jaka ri sniang man ka sngi ha kine ki ar taiew ban pynthikna ba kane ka jingpang iap khlam ki sniang kan nym poi ha kane ka jylla.

Ha ka juh ka por u myntri u la ong ba ki paidbah kin dei ban syier namar kane ka jingpang kam pat don ha ka jylla, kaei kaba ka sorkar ka shim ia ki lat ki lynti ka long ban iada na kane ka jingpang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet