La khang ban pyndon kam plastik ha kamra u Myntri Rangbah ka jylla

Shillong, Nailur 05: Ka ophis jong u Myntri Rangbah ka jylla Meghalaya ban hikai ia ki paidbah ban nym pyndon kam ia ki plastik, kala shim ia ka rai ban nym shah shuh ban pyndon kam plastik ha kamra jong u Myntri Rangbah ka jylla.

Ki lad khubor kiba ia jan bad ka ophis jong u myntri rangbah ki iathuh ba wat ia ki kynhun kiba wan ban ia kynduh ia u myntri rangbah ka jylla haba ki rah syntiew ban ai sngewbha ia u myntri rangbah kim dei ban sop da ki plastic.

Kane ka rai kaba la shim na ka ophis jong u myntri rangbah kan long ka nuksa ia baroh ba dei ban nym pyndon kam ia ki plastik, kiba long ka jingjot ia ka mariang bad kaba ktah ia ki um ki wah bad kum juh ka ktah ia ka koit ka khiah.

Da ka jingsdang ia kane ka jingkhang ban pyndon kam plastik ha kamra jong u myntri rangbah ka jylla la khmih lynti ba kiwei kiwei ki ophis jong ka sorkar jylla kim bud nuksa ia kane khlem da ap ban da wan ka hukum, khnang ba kan long ka nuksa ia ki paidbah ba kin bud lang.

 

What Next?

Recent Articles

Leave a Reply

Submit Comment

*