Shillong, Jylliew 16: U Deputy Commissioner jong ka East KHasi Hills District u bah PS Dkhar u la iathuh ba mynta ka sngi naduh ka por lai baje jan miet la khang biang ia ki mobile data internet naka bynta 48 kynta.
Haba kren ha u SP News Agency u Deputy Commissioner jong ka East KHasi Hills District u la iathuh ba ka dei ka jingshisha ba la khang 48 kynta ia ki mobile date internet naduh mynta ka sngi ha ki hynriew tylli ki District hapoh jong ki lum kahsi bad Jaintia Hills.
Katkum ka jinpynmih hukum jong ka tnad kam poh iing jong ka sorkar jylla mynta ka sngi la ong ba la ioh jingtip ba na ka liang jong ki pulit kila ioh ia ka jingtip ba ka don ka jingma kaba lah ban mih kano kano ka huri hura kumta la hap ban khang noh ia ka mobile data internet ha East Khasi Hills Ri Bhoi bad East Jaintia Hills, West Jiantia Hills, South West Khasi Hills bad West Khasi Hills District.
Ha ka juh ka por na ka liang jong u SP City mynta ka sngi u la dep ban pynmih ia ka jingpynbna paidbah ba lada don kino kino ki briew kiba thoh ha ki social media ia ki jingthoh kiba lah ban pynmih ia ka jingiapher jingmud hapdeng kiba jaid bynriew yn niew ia ki kum ki riew runar bad ka ain leh ia kaba don kam.
