La khot tender ban shna noh ia ka surok na Umsherpi sha Tamabil kaba la kot sha 480 klur

Shillong, Naitung 21: Ka National Highway Indian Development Corporation Limited (NHIDCL) kala khot ia ka tender ban shna noh ia ka surok na Umsherpi sha Tamabil bad ka jingkhot ia ka tender ka long ha ki saw bynta.

U Symbut myntri rangbah ka jylla u bah Prestone Rynsong ba dei peit ruh ia ka tnad PWD u la iathuh ba ka NHIDCL kala dep ban khot ia ka tender na ka bynta ban shna ia ka surok, na Umsherpi sha jan Baniun ha kaba yn lah ban iaid saw tylli ki kali ha ka juh ka por ba la tip kum ka “Four Lane”.

Katba na Baniun sha Tamabil kan long kan long ban suk ba iaid ar tylli ki kali ia kaba la tip kum ka “Two Lane” haba ia dei bad ka jingkieng ha ka wah Umngot yn shna ia ka jingkieng na shaneng bad ia ka jingiaid jong ka surok ruh ka pnyklla.

Ka jingkhot tender ia kane ka surok ka long ha ki saw bynta, kawei kawei ka bynta ka long T.120 klur tyngka bad ha ki saw bynta kala kot sha ka T.480 klur tyngka.