Shillong, Naiwieng 02: Haduh mynta ka jan miet la pynkit haduh 11 ngut kiba shitom sha Hospital ha kane ka jingiakhih shah thngan ki dkhot jong ka Meghalaya EMRI Workers Union (MEMRIWU). Kane ka jingiakhih kala iaid saw sngi haduh mynta.
U President ka Union u Bah Roipar Kharraswai mynta ka jan miet u la pyntip kiba la poi sha hospital ha kane ka jingiakhih shah thngan kila poi sha ka 11 ngut haduh mynta ka jan miet.Ia kiba shitom la pynkit sha Civil Hospital Shillong.
Ban shu kdew ba ka seng FKJGP, ka KSU bad ki nongialam jong ka MEMRIWU kila ia kynduh ia u myntri ka koit ka khiah ha ka sngi thohding hynrei na ka daw ka jingwan jong u President ka Ri India u bah AL Hek u la buh ia ka jingialang bad ka kompeni GVK ba kan long ha ka sngi ba ar kata la san tarik.
