Shillong, Jymmang 19: Mynta ka sngi ki lai ngut ki rangbah na ka shnong Sabuda kiba la shah kem ha ki pulit jong ka jylla Assam ha u bnai Iaiong mynta u snem, u bah Barson Lawai, bah Standing Khriam bad u Bah Dispar Mukhim kila lait na ka jingshah set phatok ha Assam.
Katkum ki jingtip kiba u SP News Agency u la ioh mynta ka miet la iathuh ba kitei ki lai ngut ki rangbah kiba la shah kem ha ki pulit Assam halor ka jingshah kynnoh ba kila don ki jingiahuri hura ha katei ka shnong Sabuda kila lait mynta ka sngi da kaba ioh jamin.
Na ka liang jong ki bor jong ka District Administration jong ka Ri Bhoi District kila pynsngew ba kila ioh sngew ba kitei ki lai ngut kiba la shah kem ha ki pulit jong ka jylla Assam kila lait jamin mynta ka sngi, hynrei haduh mynta ka meit kam shym pat don kano kano ka jingpyntip ba kila lait.
