La mang 301 tylli ki kam Nurse ban thung hapoh Hospital NEIGRIHMS: Director

Shillong, Kyllalyngkot 11: Ha kaba pynbna ia ka khubor sha ki ophisar bad ki heh jong hospital  ha ka jingialang mynta ka sngi, u Director ka NEIGRIHMS u la ai khublei ia ka Tnad Ka Koit Ka Khiah jong ka sorkar India na ka bynta ka jingmang ia ka jingshna ia ki 301 tylli ki kan na ka bynta ki nurse na ka bynta ka NEIGRIHMS.

Kine ki kam 301 tylli na ka bynta ki nurse kan long ha ka bynta kaba nyngkong jong ka jingshna ia ki post bad yn dang don shuh shuh ha ki snem ki ban sa wan. Kane ka jingshna ia ki post ka la plie ia ka jingkhang ia ki to kiba lah pyntbit ha ka kam Nurse ban trei ha kane ka Hospital.

Ki bor pyniaid ka NEIGRIHMS ki la pyrshang ban shna ia ki post Nursing la shi snem mynta. U Director u la ong ba U Myntri jong ka tnat ka koit ka khiah dalade hi u don ka jingkwah ban pynbha ia ka jingai sumar ia ki nongpang ha katei ka Hospital.

Haba phai pat sha ka jingduna ki doktor ha ka Tnad Anesthesiology, u la ong ba ka jingshna ia ki post doktor ha ki kyrdan bapher bapher la  pyndep la palat shiphew snem mynta and naduh kata ka por ka jingdon ki nongpang ka la tam bun shah, nalor ka jingmih thymmai ka surgical speciality ha kine ki snem, hynrei ka jingdon ki doktor ka la neh kumjuh.

Ki bor pyniaid ki lah shim ia kane ka mat bad ka Standing Finance Committee ha u 2017, bad hadien kata ki la dawa ban shna sa khatsan tylli ki post bad sa laiphew tylli ki post jong ki Senior Resident ha ka Tnad Anesthesiology. Mar synioh ia ka jingmang ban shna, ka jingpyniaid shaphrang ia ka jingjied kan sa sdang.

U la ong shuh shuh ba ia mynta hi ki don hynniew tylli ki post ha ka tnad bad kawei ka don ha ka jingpynbna. U la pyntip ruh ba ki interbiew ban jied ia ki Senior Resident ki ju long jan man la u bnai khnang ban pyntikna ia ka jingdon pura ki Senior Residents ha baroh ki tnad . Ka tarik ban jied biang ia ki Senior Resident kan long ha ka 21 tarik u Kyllalyngkot 2019.

U la kyntu ia baroh kiba don bynta ha kane ka Hospital ban pynkohnguh ia kito kiba la bit ha kane ka kam na kylleng ki jylla ban trei ha ka tei ka jaka ba don nam ha ka ri. Ha kaba jubab ia ka khubor kaba la mih ha ki por ba la dep, u Director u la pynshai ba kumba long kiwei pat ki Autonomous Institute, ki faculty jong ka NEIGRIHMS ruh ki don shuti shi bnai ha u bnai Nohprah ne Kyllalyngkot, da kaba pyntikna ba da kumno kumno sanphew na ka shispah na ki faculty kin don ha uwei uwei na kine ki bnai.

U director u la kdew ba ka jingwan ki  briew nabar (OPD) ha u bnai Nohprah 2018 ka long 23198 ban kaba ia nujor bad 45396 ha u bnai Naitung 2018, kaba pynksan ia ka jingong jong ngi ba kham mynshwa, ia ka jingkham duna ka kam ha ka por tlang. Ha kane ka por, ia ka jingpynthymmai ia ki jaka puid briew ruh la pyntreikam.

Ha une u snem ia ka Centralized gas manifold la pyndep ha baroh ki OT. U la ong shuh shuh ba baroh ki ward, ICU bad OT kin ioh ia ka Centralized gas manifold ha shwa u Lber, 2019, ha ka sien kaba nyngkong naduh ba la aiti ia ka Hospital ka ban long jingmyntoi shuh shuh ia ka jingai jingsumar ia ki nongpang ha ka Hospital.

What Next?

Recent Articles

Leave a Reply

Submit Comment

*