New Delhi, Iaiong 11: Ka Central Council for Research in Homoeopathy (CCRH) ka la pynlong ia ka international webinar hapoh ka Tnad AYUSH ha ka 10 tarik Iaiong, 2020 ha ka World Homoeopathy Day, da kaba pyndon burom ia ka lyngkhuh sngi kha ba 265 snem jong u Dr. Samuel Hahnemann, U nongseng ia ka Homoeopathy.
Da ki hajar ki nongiashim bynta ki la ia donlang ha kane ka webinar halor ka rynsan digital kaba la pyni live ruh. U Myntri Khynnah ba dei khmih ia kane u tnad, u Shripad Yesso Naik ha ka jingai jingkren plie, u la pynbna ka jingmynjur ia ki jingbthah ba ia dei bad ka Telemedicine na ka bynta ki doctor homoeopathic bad pynshai ruh ia ka jingdonkam ban pyntreikam ia ki nongtrei AYUSH ban iatreilang bad ki briew ba la don lypa ha ka kam iakhun ia ka COVID lada ka don ka jingdonkam.
U Secretary jong ka Tnad AYUSH Vaidya Rajesh Kotecha, u la ai ka jingkhublei jong u. U Prof.(Dr) George Vithoulkas, Director, International Academy of Classical Homeopathy, Greece, Dr. Anil Khurana, DG(I/C), CCRH, Dr. R K Manchanda, Director Homoeopathy, Tnad AYUSH, Sorkar Delhi, Dr. Subash Singh, Director , NIH, Kolkata, Dr. S R K Vidyarthi, Director, Tnad AYUSH jong ka Sorkar Pdeng, Dr. V K. Gupta, India, Dr.Robbert van Haselen, UK, Prof. Aaron To, Hong Kong kilong ki nongkren ba hakhmat ha kane ka jingialang.
Bun na ki nongkren ki la kren shaphang ki lad ba don ha ka jingsumar Homoeopathy ba lah ban pyniasoh ha ka jingtehlakam ia ka jingpang COVID 19 bad ki la pynpaw ia ki jingshisha shaphang ka jingpyndonkam ia kajingsumar adjuvant homoeopathy ryngkat bad ka rukom sumar ia ki nongpang COVID.
