La phah pulit shuh sha k Dawki ban ioh pahara 24 kynta ha khappud Bangladesh

Shillong, Kyllalyngkot 12: ha dien ka jingshah lute ha lat Darang bad ka jingshah pynmynsaw jong u shipai BSF ha shnong Amdoh bad ka jingioh kem ki paidbah ia ki khar Bangladesh kiba la wan rung ban leh ia ki kam sniew sha India na ka liang jong ka tnad kampoh iing ka sorkar jylla kala phah pulit shuh sha Dawki ban pahara ha ki shnong khappud.

Haba kren ha u SP News Agency na ka liang jong u Officer Incharge ia ka Dawki Police Station la ong ba ka dei ka jingshisha ba la phah shuh shuh ia ki pulit sha Dawki ban pahara ha ki shnong kiba don ha khappud Bangladesh ha kaba mynta kila lah ban pahara 24 kynta ha ki shnong khappud bad ka Bangladesh.

La iathuh ruh ba ha kine ki sngi kam shym don shuh kano  kano ka jingwan tur jong ki Bangladesh, hynrei ka jingjia ha kine ki sngi kala pynshong syier ia ki paidbah. Kumba ka long mynta ka jingshong shyngian kala wan biang, hynrei na ka liang jong ki pulit kin dang iai beteng ia kane ka jingpahara.

Haba ia dei bad ka jingwan rung ki khar Bangladesh ban wan tuh kane kam dei shuh ka kam kaba dang thymmai hynrei ka dei kaba la juh jia na ka por sha ka por, kan long kaba bha lada kan don ka jingker ksainar shiah khnang ba ki khar Bangladesh kin nym ioh rung laitlan kumba kalong mynta.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet