La plie ia ka 4G BTS ka RJio ha shnong Jair hapoh Ri Bhoi District jong ka Meghalaya

Shillong, Oct 18: Ka tnat Telecommunications (DoT), North East License Service Area (LSA), Shillong hynnin ka sngi ka la plié ia ka jaka 4G BTS jong ka Reliance JioInfocom Ltd (RJIL) kaba don ia ka tower kaba 40 meter ha shnong Jair (Census Code 277803) jong ka Ri Bhoi District hapoh Meghalaya kum shi bynta jong ka jingrakhe ia ka Azadi Ka AmritMahotsav.

Ka shnong Jairkadei kaba jngaina kiwei kiwei ki shnong bad kaba don kumba 70 km na Shillong bad hap pynlutpor kumba 3 kyntaeiei ban poi sha kane ka shnong. Katkum ki jingdon jingtip ka DoT, ki don 6459 tylli ki shnong ha Meghalaya.

Napdeng kine 4818 ki dei kiba ioh signal mobile bad mynta lyngba ka jingplie ia kane ka BTS jong ka RJio ha shnong Jair, ka jingdon ki shnong kiba ioh signal mobile mynta ka la kiew sha ka 4819.

Kiba iadon lang ha kane ka sngi ki dei u Ajay Kumar Sahu, Sr. Deputy Director General; u Ashok Kumar Jain, Deputy Director General (Compliance); u Dilip Kumar, Deputy Director General (Rural); u SalimSubas Bara, Director (Compliance); u Yogendra Singh Sisodia, Director (Administration) bad u Dilip Singh Aswar, Director (Rural) kiba dei na ka DoT North-East ha ryngkat u VikasPareek, Ranjeet Kumar bad u JibeshBiswas na RJIL.

Ha ryngkat ka jingioh ban pyndonkam ia ki phone mobile ban iakren briew, kane ka BTS ka la plié lad ban ioh ia ka internet kaba stet ha kane ka thain. Ka la plié lad ruh ban pyniasoh bad ki kam Sorkar lyngba ka rynsan internet kum ka e-governance, e-health, jingioh jinghikai online.

Ka jingkyntiew ia ki kam jngohkai, e-commerce bad kiwei kiweikiban wanrah shibun ki jingbha ha ka jingim jong ki briew kiba sah ha kane ka thain. Shisha, kane ka dei jingai Azadi Ka AmritMahotsav kaba kongsan na ka DoT &RJio sha ki nongshong shnong. Ki nongshong shnong ka Jair ki la shim 23 tylli ki connection mobile hynnin.

U trai jaka, Bah Emanuel Lyngdoh u la iadonlang bad u secretary shnong u Bah Paulus Mynsong ha ryngkat kiwei kiwei ki nongshong shnong. U Bah Lyngdoh u la ong ba u dap da ka jingkmen bad u la iathuh ba ha ryngkat bad 700 ngut ki briew ka Jair.

Kiwei pat kiban ioh ia ka jingmyntoi, kumba 1200 ngut ki nongshong shnong ka Lamalong bad na kiwei kiwei ki shnong kum ka Sonidon, MawbriMakaleng, Pamphlang, Umkra, bad kiwei kiwei kin ioh jingmyntoi na kane ka internet kaba stet kaban pyniajan ia ki bad kiwei kiwei ki bynta jong ka ri bad plié lad ia ka roi ka par kaba pura.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet