Shillong, July 21: Ia ka ‘Amphitheatre’ kaba nyngkong eh ha ka jylla la plie mynta ka sngi da u Bah RV Lyngdoh myntri ba dei peit ia ki kam pynneh pynsah ia ki riti dustur jong ka sorkar jylla ha Mawlai Nongkwar.
Ha ka jingkren jong u myntri ka sorkar jylla u Bah Lyngdoh u la ong ka jylla ka don shibun ia ki briew kiba don ia ki sap ki phong, dei halor jong kane ka sorkar kala sngew dei ba dei ban don ia ki jaka ba kyrpang na ka bynta ki samla ba ki lah ban pyni ia ki sap ki phong ka jong ki ia kaba ki don.
Da ka jingdon ia kane ka jaka kan iarap ia ki khun samla ba ki lah ban pyni ia la ka jong ka sap ka phong ka jong ki ha ka shad ka riam tynrai bad kane kan long ka kabu ban pyni sha ka pyrthei ia la ka jong ka tynrai kaba ki briew jong kane ka jylla ki don.
Ha kane ka sngi la don lang ruh u MLA jong kane ka jaka u Bah Embhahlang Syiemlieh bad u MDC u bah PT Sawkmie kum juh ka Director Art bad Culture jong ka jylla. Ki rangbah shnong. Ia kane ka jingtei la bei pisa da ka tand Art and Culture ha ka jinglut kaba la kot sha ka T.1.5 klur tyngka.
