La plie ia ka durmot ba shirynieng u Who Kiangnangbah da ka jingshad tynrai na Ri Bhoi

Shillong, Nohprah 30: Ka jylla Meghalaya mynta ka sngi kala rakhe ia ka sngi iap ba 157 snem jong u Woh Kiangnangbah u nongialeh laidluid pyrshah ia ka jingsynshar jong ki phareng haba  u ba la shah kem bad sdien phasi ha Iewmusiang ha  u snem 1862.

Ha kane ka nongbah Shillong ka seng samla pule ban burom ia une u khlawwait jong ka Ri Khasi u ba la aiti iala ka jingim ban iada ia ka jaidbynriew kala tei nam ia u ne u nongialah laitluid da ka statute ba shirynieng jong u ha pyrshah jong ka Civil Hospital Shillong, ia kaba la plie mynta ka sngi da ka jingshad tynrai na them Ri Bhoi.

Ha ka jingkren jong u president ka seng KSU u samla Lambokstarwell Martngar u la ong ba u ne u khlawait ka ri u dang ia ai mynsiem ia pateng kaba mynta ruh ban leh shibun bah ki kam ha ka imlang sahlang khamtam ia kino kino ki bor kiba ia leh ban pynjot pynra ia ka jaidbynriew baroh kawei.

La ong bas a tang shisngi yn sa jam sha u snem u ba thymmai haba kyrtiangdin kum ka jaidbynriew dang shah tynjuh ha ki bun bah ki liang, haba  kren ia ka jinglong jingman wat la ka jylla kala kynjoh ia ki 47 tylli ki snem hynrei ym dei ban klet ba ka jylla haduh mynta kam pat don ia u pud u sam ba pura. Kum ka seng kala pynsngew sha ka jylla na ka por sha ka por hynrei ka jubab ka long ka jingshah thombor ha ki khappud.

Ha ka juh ka por u la kyntu ba baroh ban ia shim ia ka jingkit khlieh bad lada leh kumta ka jaidbynriew kan im na kawei ka pateng sha kawei ka pateng. La ong ba ka dei ha ka lyngkor jong ki samla lyngba ka jingpyrsat mynsiem jong ki long kmie, lyngba ka jingaibuid aibor jong ki rangbah ba lah ban ieng ban ia leh pyrshah ia kiba bun rukom.

Kiwei kiba la kren ha kane ka sngi ki long u samla Ohibait Dkhar president ka KSU Jiantia Hills District, ka Dr Bilian C Lamare President ka Sein Jaintia Womeng Wing,  Bah Sadon Blah general secretary ka seng HNYF,  Bah D Khongsit General secretary jong ka FKJGP, Bah Samuel B Jyrwa Chairman ka NESO. Ia ka jingialang la sdang da ka jingduwai na ka dorbar shnong Wahthapbroo.

 

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet