New Delhi, Iaiong 12: U Myntri ka tnat Civil Aviation, u Jyotiraditya M. Scindia bad u Myntri Rangbah ka Arunachal Pradesh, u PemaKhandu mynta ka sngi ki la plié ia ka jingpynhernyngkong ia ka liengsuin HAL Dronier-228 kaba la shna ha India.
Kane ka long ka jingpyrshang ban pyniasoh ia ki kad liengsuin bad ki Advanced Landing Ground (ALG) jong ka thain shateilammihngi. Kane ka jingpynherliensuinkan long na Dibrugarh ha Assam sha Pasighat ha Arunachal Pradesh bad sha Lilabari ha Assam.
La iadon lang ruh u Myntri ka tnat Law & Justice jong ka Sorkar Pdeng, u KiranRijiju, u Naresh Kumar, Chief Secretary ka sorkar Arunachal Pradesh, u NakopNalo, myntri (Civil Aviation), ka sorkar Arunachal Pradesh, u GorukPordung, myntri ka tnat Health jong ka sorkar Arunachal Pradesh, u Tapir Gao, Member of Parliament, Arunachal East.
U Rajiv Bansal, Secretary ka tnat Civil Aviation, u Swapnil M Nair, Secretary (Civil Aviation), ka sorkar Arunachal Pradesh, Air, u R Madhavan, CMD, HAL, u Sanjeev Kumar, Chairman, AAI, ka UshaPadhee, Joint Secretary bad u Amber Dubey, Joint Secretary ka tnat Civil Aviation, u VikramDevDutt, CMD, Alliance Air bad kiwei kiwei ki heh ki hain bad ki ophisar na ka Sorkar Arunachal Pradesh, Alliance Air, HAL, Indian Airforce bad ka Airport Authority of India.
Ka Alliance Air, kaba dei ka kompani public sector kaba trei ha ki kam liengsuin ka la soi ia ka Memorandum of Understanding (MoU) bad ka Hindustan Aeronautics Limited (HAL) kaba dei ka Central Public Sector Unit hapoh ka tnat Defence ban pynher ia ki liengsuinDronier ba shna ha India ia kaba ju khot ka Hindustan aircraft.
Kane ka sienjam ka iahap bad ka jingthmu u Myntri Rangbah Duh ka India, u Narendra Modi ban don ka “AtmaNirbhar Bharat”. Lyngba kane, ka Alliance Air ka la long ka kompani kam pynherliengsuin kaba nyngkong ban pynheria ki liengsuin ba shna ha India ban ai jingshakri ia ki paidbah.
Ia ka jingphah ia ki liengsuin Do-228 ba shna ha India yn leh ha ka rukom kaba don bun ki bynta. Ha ka bynta kaba nyngkong, ar tylli ki liengsuin Hindustan aircraft yn phah sha Dibrugarh ban leit sha Tezu, Pasighat bad Ziro.
Ha ka bynta kaba ar jong kane ka prokram, la pynkhrehia ka jingpyniasoh bad ka Mechuka, Tuting bad Vijoy Nagar. Ha kine ki 15 sngi ban wan, yn pyniasoh bad ka Tezu bad hapoh 30 sngi hadien kane, yn don ka jingpyniasoh bad ka Ziro.
Ha ka jingkren jong u, u Scindia u la ong, “Ha kine ki 70 snem ba la dep, la shna 74 tylli ki kad liengsuinhynrei ha kine ki 7 snem ba la dep hapoh ka jingialam jong u Myntri Rangbah Duh, u Narendra Modi, ngi la shna 66 tylli ki kad liengsuin kiba thymmai bad kane ka la pynlong ba mynta ngi don 140 tylli ki kad liengsuin kiba treikam ha ka ri. Ha ka thain shateilammihngi, la pyntreikam 9 tylli ki kad liengsuinhynrei mynta la shna 15 tylli ki kad liengsuin ha kine ki 7 snem ba la dep.”
U Myntri u la batai shaphang ka jingpynkhrehia ka jingkyntiew ki kam kiba iadei bad ki liengsuin ha ka thain shateilammihngi ha kaba u la ong, “Ha Arunachal Pradesh, hapoh ka 6 bnai, yn plié ia ka kad liengsuin kaba thymmai ha Hollongi ia kaba la mang haduh T. 645.63 klur.
Ha Tezu, la mang T. 67 klur na ka bynta ka jingkyntiew ia ka kad liengsuin bad ka kam ka dang iaidshakhmat. Ka tnat ka la mynjur ia ka jingai jingkyrshan kaba T. 500 klur ban kyntiew ia ka jingpyniasoh lyngba ki liengsuin bad na ka bynta ki jingdon jingem kiba iadei bad kane ka kam ha ka tnainshateilammihngi haduh u Lber, 2024.
Na kane ka T 500 klur, kumba T. 227 klur ka dei kaba la buh khnang na ka bynta ka jingkyntiew ia ki ALG bad ka jingpyniasoh lyngba ki liengsuin ha Arunachal Peadesh kaba long 50% jong baroh ka jingmang tyngka. Ha Imphal, ka kad liengsuinkan ioh ia ka jingkyntiew kaba heh ha kaba ka jingmang tyngka ka long T. 499 klur na ka bynta ka Integrated Terminal Building kaba thymmai bad ki kam kiba iadei bad kane.
Shen dang shu pyndep ia ka Integrated Terminal Building ba thymmai ha ka kad liengsiunAgartala ha kaba ka jingiarap tyngka ka long T. 438.28 klur. Yn pynlutsa T. 120 klur ban pynbha ia ka runway, taxiway bad apron ha ka kad liengsuinAgartala. Ha Dibrugarh ha Assam, ka jingsiangrong biang ia ka runway ka la sdang bad la mang T. 55.54 klur na ka bynta kane.
Lyngba baroh kine ki sienjam na ka bynta ki jingdon jingem kiba iadei bad ki liengsuin, ka jingpyniasoh ha ka thain shateilammihngi lyngba kane ka lad jong ka leit ka wan ka la mad ia ki sienjam kiba heh.
Ha ryngkat kine, kumba 18 tylli ki airstrip, heliport/ helipad, water aerodrome ki dei kiba ka kynthup hapoh ka skhim UDAN bad la sdang ban kyntiew ia ki ha ka thain shateilammihngi ha kaba ka jingmang tyngka ka long kumba T. 182 klur. Palat T 2,000 klur ka dei ka ban bei tyngka ha ka thain shateilammihngi ban kyntiew bad wanrah ia ki kam liengsuin da ka Sorkar India”
Ha ka jingbatai shaphang ka skhim UDAN, u Myntri u la ong, “415 ki lynti pynherliengsuin ki dei kiba la pyntreikam hapoh ka skhim UDAN bad palat 91 lak ngut ki briew ki la ioh jingmyntoi na kane. Palat 1 lak 75 hajar tylli ki jingpynherliengsuin ki iaid hapoh kane ka skhim.”
Halor ka jingpynduna ia ka VAT na ka bynta ka ATF (Aviation Turbine Fuel), u Myntri u la ong ba “Ka Sorkar Arunachal Pradesh ruh ka la pynduna ia ka VAT na ka bynta ka ATF (Aviation Turbine Fuel) na ka 20% sha ka 1% hadien ka jingialang lyngba ka bor internet ba la pynlong bad u Myntri Rangbah, u PemaKhandu.”
Ka jingkyntiew ia ka thain shateilammihngi ka long kaba donkam na ka bynta ka roi ka par jong ka ri. Ka jingpyniasoh ha ka thain ka long kaba kongsan bad ha ki jaka kiba bun, ka jingleitjingwan lyngba ki liengsuin ka long kum u budlumia ki briew bad ka jingpynkit ia ki mar.
Hapoh ka ‘UdeDeshKaAamNagrik (UDAN)’, kaba dei ka skhim na ka bynta ka jingpyniasoh, ka tnat Civil Aviation ka la ithuh ia ka thain shateilammihngi kum ka jaka kaba kongsan. Kane ka la iarap ban kyntiew ia ka jingpyniasoh ha ka thain. Ha kaba iadei bad kane, la shna ia ki kad liengsuin ba thymmai bad la pynbha ia ki kad liengsuin kiba rim.
Namar ka jinglong riat ki jaka, la phaikhmat sha ka jingpynheria ki helicopter hapoh ka skhim UDAN. Kine ki sienjam jong ka tnat Civil Aviation na ka bynta ka jingkyntiew ia ki jingdon jingem kan kyntiew ia ki lad kiba don ha ka thain shateilammingi kiba iadei bad ka kam jngohkai, ki adventure sport bad ki kam kiba iadei bad ka ioh ka kot.
