Shillong, Nailur 21: u Samiran Datta u khlieh ka FIITJEE ESchool mynta ka sngi u la pyntip ba la plie ia ka jaka ai jinghikai ha Laitumkhrah Shillong mynta ka sngi bad ki lah ban pdiang ia ki khynnah naduh klass Vi sha neng tang 50 ngut shiklas bad bai skul kan long T.75 hajar tyngka shisnem.
Haba kren ha ki lat pathai khubor ha Shillong Press Club mynta ka sngi la ong ba kane ka jinghikai ka long ba ki samla pule kin sngewthuh ha kano ka bynta ki don ia ka sap ka jong ki bad kin btin lynti ia ki samla pule ban kin poi sha ka thong kaba ki don ia ka thong.
Ka FIITJEE ka ai jinghikai ia ki samla pule ba kin pynkhreh ia lade ba kin ia khun ia ki examin bapher bapher katkum ka jingdon kam katkum kane ka por kaba mynta bad kane ka jinghikai kan long online ha baroh kawei ka Ri India.
Da ka jingdon ia kane ka jaka hikai ki samla pule jong kane ka jylla Meghalaya ruh kin lah ban ioh ia ka lad ban ia shim bynta ha ki jinghikai kumba iohlem kiwei ki samla pule jong ki jylla ha ka Ri India.
La ong ba ka FIITJEE ka airuh ka baibam na ka bynta ki samla pule katkum ka jinglah jong ki samla pule katkum ka jingtbit ka jong ki, kata ka bai bam kan long haduh 25% na ka jinglut kaba ki siew iaka bai shah hikai kane kan iarap ia ki samla pule bad ki iing ki snem la ong u khlieh ka FIITJEE.
