La plie paidbah ia ka ‘Direct Benefit Transfer Portal’ da u Sanjay Secretary finance

Shillong, Nailar  09: U Secretary finance  jong ka sorkar jylla Meghalaya u Sanjay Goyal u la plie paidbah ia ka portal ‘Direct Benefit  Transfer’ kaba dei na ka bynta ka jylla Meghalaya. Kane ka website ka don ia ki jingtip ha kaba ia dei ki skhim jong ka sorkar jylla bad ki skhim jong ka sorkar pdeng ia kiba la pyntrei kam lyngba ka sorkar  jylla, lyngba jong kane ia ka pisa bad ki tiar ba dei ban ioh la ai beit sha ki briew kiba dei hok ban ioh.

Kane ka Direct Benefit Transfer (DBT) ka dei ka jingtrei bor bah jong ka sorkar pdeng ban wanrah ia ka jingkylla ha kaba ia dei bad ka jingpynpoi ia ki lad jingiarap sha ki paidbah ia kaba la plie da ka sorkar pdeng ha ka 01 Kyllalengkot 2014 bad ha kane ka jylla Meghalaya la lah ban pyntrei kam mynta u snem. Da ka jingdon jong kane ka portal la lah ban phah ia ka pisa sha ki nongioh ia ki jingiarap beit beit sha ka account jong ki kaba ki don ha ki Bank lane ha ki post ophis.

Da ka jinglah ban plie ia kane ka portal hapoh ka jylla Meghalaya mynta kan don ka jingkylla ha ka rukom siew ia ki jingiarap kaba dei sha ki paidbah, kum ia ka subsidy ia ka tyndong lyer, ka subsidy ia u khaw, da kane ka jingkylla mynta la lah ban phah ia ka pisa beit beit sha ki account jong ki briew kiba dei hok ban ioh kany nym don shuh ka jinglait hangne hangtai.

La ong ba ka long kaba suk ban pyndon kam ia kane ha kaba ki jingiarap baroh mynta kan poi beit sha ki trai ba dei hok ban ioh ia ki jingiarap khlem da iaid kyllain shuh ki paidbah kiba wkah ban tip ia kane ki lah ban leit sha ka URL: http://megdbt.gov.in.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet