Shillong Naitung 05: Ka ophis jong u Sub-Divisional Officer (Elections), Amlarem mynta ka sngi kala plie paidbah ia ka Mission Unite 2017 katkum ka thong ban pynrung kyrteng kyrpang ia ki samla kiba la 18 haduh 21 snem ha ka electoral roll khnang ba kin ioh ban pyndep ia ka hok jong ki ban jied ia u nongmih khmat.
Ia kane ka jingplie paidbah ia ka ‘Mission Unite 2017 U & I la pynlong ha ka Enowel Hall, Amlarem. Haba plie ia kane ka jingpynrung kyrtwng kyrpang ia ki samla ka kong I. Laloo ADC ba dei peit ia ki kam election kala pynsngewthuh sha ki paidbah ia ka hok kajong ki ban jied ia ki nongmih khmat da kaba ia shim bynta ha ka election kaba dei ka thymmei ha ka synsahr paidbah.
Kane ka jingialang paidbah mynta ka sngi ka long ban pynsngewthuh ia ki briew ha kaba ia dei bad ka jingpynrung kyrteng ha ka electoral roll bad khamtam eh ba ka jylla kan sa leit sha ka elelction ban jied ia ki MLA jong ka jylla ha u snem 2018. Kumba ka long kane ka jingpynrung kyrteng mynta ka sngi ka long kaba ishongkun ha kaba bun ki samla kila ia mih ban pynrung kyrteng ialade ha ka electoral roll.
