La plie paidbah ka KSU ia u maw mot sah kynmaw ia u bah Lurshai Hynniewta ha Ichamati

Shillong, Rymphang 28: Mynta ka sngi ka seng samla pule ka KSU kala plie paidbah ia u mawmot sah kynmaw jong u bah Lurshai Hynniewta ha Shnong Ichamati namar dei ha kum kane ka sngi u la shah bom ha ki bar jylla bad khlad noh na kane ka sla pyrthei. Ia u mawmot la plie da u samla Lambokstarwell Marngar president ka Seng.

Ha kane ka sngi la don lang ruh kiwei kiwei ki seng bhalang, kun ka HNYF, JSU, FKJGP, RBYF bad kiwei kiwei ruh ban kynmaw burom ia ka jingdap shisnem jong ka jinglad u bah Lurshai Hynniewta mynta ka sngi.

Na ka liang jong ki bor ba dei peit ia ka District Administration jong ka East Khasi Hills District kala pynbiang ia ki bor pahara ha Ichamati ha ka jaka ba Pynlong ia ka jingialang ban pynthikna ba kan iaid beit iaid ryntih.

Dei ha kum kane ka sngi 28/2/2020 ba u bah Lurshai Hynniewta u la khlad noh na kane ka sla pyrthei ha ka jingshah bom ha ki bar jylla ha Ichamati ha dien bala kut ka jingialang bala Pynlong da ka KSU ban pynshai paidbah halor ka jingpyrshah ia ka CAB ia kaba mynta ka la dei ka CAA.

What Next?

Recent Articles

Leave a Reply

Submit Comment

*