La plie u myntri rangbah ka jylla ia ka Shillong International Centre for Performing Arts & Culture

Shillong, Naiwieng 14: U Myntri Rangbah ka jylla u Conrad K Sangma u la plie ia ka  Shillong International Centre for Performing Arts & Culture (SICPAC) kaba hap hapoh ka jingpeit ka tnand pynneh pynsah riti dustur ka jylla kaba la shna ha Mawkasiang ha ka jingiadon long u bah Prestone Tynsong Symbut Myntri Rangbah,  u myntri ka tnad pynneh Pynsah Riti Dustrur u bah Sanbor Shullai bad ki heh sorkar.

Kum kane ka jaka kaba heh ka bad kaba lah ban pyndon kam bun jaid ia kaba la jer kyrteng kum ka SICPAC ka long kaba nyngkong bad mynta kala urlong ha kane ka jylla Meghalaya.

Ka SICPAC ka dei ka jingtei kaba don shibun ki jaka ban pyndon kam bad ka don ka hall kaba lah ban ngiam haduh 1739  jaka shong, ki don ki hall kiba kahm rit kiba ngaim 302 ki jaka shong, ki don ki kamaram kiba ngiam 574 ki jaka shong bad ka madan ka lah ban ngiam haduh 15,000 ngut ki briew lada pynlong jingialang.

Ka jingtei ia kane ka jaka kaba lah ban pyndon kam shibun ki jingpynisap ha ka riti dustur kala long T.151.33 klur ia kaba la kyrshan T.136.20 klur na ka sorkar pdeng bad  lyngba ka NLCPR katba na ka jylla la bei T.15.13 klur.

Ha ka jingkren u myntri rangbah haba plie ia kane ka jaka la ong ba da ka jingdon ia kane ka jaka lah ban pynlong ia ki jingiakop shad kiba heh, ka jingiakop rwai bad ki jingialehkai kiba bun jaid bad ha kane ka jaka lah ban pynlong ia ka tamsa ban pyni ia ki phlim.

Da ka jingdon kane ka jaka mynta lah ban ai ia ki jinghikai kum ha ki kam thohdur, ka tem ka pud, kam ak phlim, ban pynmih telibishon bad bun kiwei kiwei ki jinghikai bad kane kan long ka jingmyntoi ia ki khun samla kane ka jylla bad kan long kawei na ki jaka jongohkai pyrthei.

Kane ka  lah ban pyndon kam kum ka contemporary Art Gallery, ka Sky Theatre, ka jaka bakyrpang, ka  VIP Enclosure Area, ka  Auditorium Hall ba ka stage kan iaid pyllunm ka VIP Banquet Hall, ka VIP Lounge, ka  VIP Restroom, ka automated elevators, ka Tribal Museum, ka  Media Centre, Television & AV Studio, a Library, ka jaka die bam bad ka jaka ban buh ia ki ophis.

Ia kane ka jingtrei la peit da a Meghalaya Government Construction Corporation Ltd ka long kum ka Project Management Consultant bad ia ka jingtrei la pyntrei da ka  M/s. Hindustan Steelworks Construction Ltd (A Govt. of India Undertaking), M/S NCC Limited and M/s Skematic Consultants ka dei kawei na ki kompeni ban peit shuwa ban pyndep ia ka jingtrei.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet