Shillong, Jymmang 21: U Myntri Rangbah ka jylla u Conrad K Sangma mynta ka sngi u la iathuh ba ki briew jong ka jylla kiba la wan phai na Bangalore ki don 1404 ngut bad kine ki la poi ha Guwahati.
Kine kiba la wanphai mynta ki dang don ha lynti ba kin leit phai sha la ki jong ki jong ki District bad sha la ki iing ki snem. Kine kiba wanrah baroh ki hap ban but ia ki jingpyniaid kiba la buh da ka sorkar ka tnad ka koit ka khiah.
Na ka liang jong ka sorkar kala iakren ruh bad kiwei ki jylla ban wanrah ia ki briew jong ka jylla kiba dang sah kut sha bar jong ka jylla, ka sorkar kala ia kren ruh ban mang ia ki plane kiba kyrpang ban kit ia ki briew kiba lah ban siew ia ka bai plane.
Haduh mynta ki briew kiba la wan phai da ka Rel ki long na ki ar tylli ki jaka kawei na Chennai bad kane kaba mynta ka dei ka Bangalore. Hynrei kila don kiba wan ruh da ki Bus kum na Delhi bad na Rajasthan kiba la wan da ki Bus.
