Shillong, Nohprah 11: Ha ka sngi ka ba 3 bad kaba 4 jong ka 7th Bull N Lyngdoh Memorial Knock Out Football Tournament ba la pyniaid da ka KSU Malki Circle la ia shim bynta da ki tnad ka seng kiba kynthup ia ka South Khasi Hills District Unit, Mawlai Circle, Nongthymmai Circle, Sohiong Circle, Tyrsad Circle, Laban Circle, Jaiaw Circle bad ka Central Executive Council.
Ha ka 9.12.2017 ka KSU Nongthymmai Circle ka la pynliem ia ka KSU South Khasi Hills District Unit da 6 kol la 2 katba ka Sohiong Circle ka la jop ia ka Mawlai Circle da 3 -1. Mynne ka sngi (11.12.2017) ka Tyrsad circle ka la jop ia ka Laban Circle da 4 – 1 katba ka Jaiaw Circle ka la thep haduh 6 kol pyrshah ia ka Central Executive Council.
Hadien kine ki jingialehkai ka tournament ka la jam sha ka quarter final bad ki jingiakhun ki long kumne ha ka 13. 12. 2017 (12:00 PM) Nongthymmai Circle vrs Sohiong Circle ha ka 13.12.2017 (2:00 PM) South West Khasi Hills District Unit vrs Shillong Mihngi Circle haka 14.12.2017 (12:00 PM) Upper Shillong Circle vrs West Khasi Hills District Unit haka 14.12.2017 (2:00 PM) Tyrsad Circle vrs Jaiaw Circle.
