La poi sha ka Seni Final ka 7th Bull N Lyngdoh Memorial Football Knock Out Tournament

Shillong, Nohprah 13: Haka jingialehkai kynjat bol ha ka quarterfinal jong ka 7th Bull N Lyngdoh Memorial Football Knock Out Tournament ka la wanlam ia u namjop ia ka KSU Nongthymmai Circle bad ka KSU Shillong Mihngi Circle. Ha ka jingialehkai kaba nyngkong ka Nongthymmai Circle ka la pynrem ia ka KSU Sohiong circle da 1-0.

Ha ka jingialehkai ka ba ar par ka KSU Shillong Mihngi Circle ka la pynliem ia ka KSU South West Khasi Hills District Unit ha ka juh ka rukom ba ka pynliem ia ka KSU Jaintia Hills District Unit. Kum ban shu pynkynmaw ka Shillong Mihngi Circle ha ka round of 16 ka la jop ia ka Jaintia Hills District Unit lyngba ka tie breaker hadien ka jingiakhaid kaba mar shi kol. Kumjuh ruh mynne ka sngi ka Shillong Mihngi Circle ka la ia khaid bad ka South West Khasi Hills District Unit da mar shi kol. Ynda la ia shut ha ka tie breaker ka Shillong Mihngi Circle ka la jop da 6-5.

Lashai ka sngi ka jingialehkai kan long hapdeng ka KSU Upper Shillong Circle pyrshah ia ka KSU West Khasi Hills District Unit bad ka KSU Tyrsad Circle pyrshah ia ka KSU Jaiaw Circle.

 

What Next?

Recent Articles

Leave a Reply

Submit Comment

*