Shillong, Naitung 23: Namar ba la jyllei palat ka jingiakhaii masi beain sha Bangladesh na ka liang jong ki shipai BSF kila dang pynbun shuh shuh ia ki pyrton shipai ha khappud bad ka Bangladesh ban the la kam ia kane ka kam khaii masi beain na India sha Bangladesh.
Tang mynta ka sngi ki BSF kila ioh ban kem haduh 78 tylli ki masi na ki bun ki jaka, tang na Iewthymmai kaba don ha East Khasi Hills kila ioh ban bat haduh 20 tylli, bad 58 tylli kiwei pat kila ioh ban bat na Nongjuri, Tuka, Umsyiem bad Lyngdkhat.
Ki BGB bad ki BSF kila ia treilang ryngkat ryngkat ban khanglad ia kane ka jingkhaii masi beain na kane ka jylla Meghalaya sha Bangladesh, hynrei kine ki nongkhaii masi beain ki leit na ki jaka kiba khlem pat ker lane ki ot ia ki ksainar shniah ha ki jaka ba la dep ban ker.
