La pyndep ka MSWC ban jurip ia ka jingeh ki long kmie ba shong marwei:Theilin

Shillong, Naitung 10: ka Meghalaya State Women Commission da ka jingiatreilang bad ka National Commission na ka bynta ki kynthei kala pynlong ia ka jingai jinghikai ha Sohra mynta ka sngi ia ki riew kynthei ka thain ba kin sngewthuh ia ka hok ka jong ki. Kane ka jinghikai ka long ban pynsngewthuh ia ki kyndon ain bapher bapher ba kum ki kynthei ki dei ban sngewthuh.

Kane ka jingai jinghikai ka long ba kumno ban pynkup bor ia ki kynthei, da kaba pynsngewthuh ia ki ba kumno  ki dei ban ioh ia ka jingiarap ha kaba ia dei bad ki ka main, kumno ban thoh ia ki jingujor lada don lane ban ai ia ka ejahar bad lada don kam ki dei ban pan ia ka jingiarap jong ki ophisar.

Ha ka jingkren jong ka kong Theilin Phanbuh Chairperson jong ka MSWC, ka la ong ba ka kam jong ka commission ka long ban iada ia ki kynthei. Ha kane ka jingialang la ong ba ha kine ki sngi bun bah ki riew kynthei kila shah shim kabu, khamtam ki long kmie ba shong marwei namar kine ki ia kynduh shibun ki jingeh ha kaba ri sumar ia ki khun ban pynheh pynsan ia ki.

Ka Commission kala dep ban jurip ha kaba ia dei bad ka jingdon jong ki long kmie ba shong marwei bad na ka liang jong ka kommission ka dang wad lad wad lynti kumno ban pynioh ia ki lad jingiarap na ka bynta jong ki. La ong ba kila pynlong ia ki jinghikai ba kumno kin lah ban seng kam la jong khamtam ban buh ia ki iing basa na ka bynta ba ki kiew haka ioh ka kot ka jong ki ban lait na ka jingshah shim kabu.

Ha kane ka sngi la ai ka jinghikai ia ki kynthei ka thain Sohra, kahmtam eh ha kaba ia dei bad ki ain kiba ia dei bad ki kam iing kam sem ia kaba la batai da ka kong Annie Sohtun, la pynsngewthuh ruh ha kaba ia dei bad  ka ain PWDV Act 2005, ha lor ka ain Chiled Marriage Act bad kum juhha kaba ia dei bad ka POCSO Act bad kiwei kiwei ki ain.

What Next?

Recent Articles

Leave a Reply

Submit Comment

*