La pyndep ka Raid Marwet ia ka jinglehniam kaba la tipkum ka “Sohjer” ha Baridua

Shillong, Kyllalyngkot 20: ka Raid Marwet kaba hap hapoh jong ka Hima Mylliem sa shisien kala pyndep ia ka jinglehniam leh ruh kam ia kaba la tip kum ka “Sohjer” ia kane la pynlong ha Baridua hapoh jong ka Ri Bhoi District.

Ka Raid Marwet kaba don ia la ka jong ka riti dustur ha ka sngi u Blei kala pyndep ia ka jingleh niam kaba ka raid ka juh leh man ka por ia kane ka jingleh niam la lam khmat da u Syiem raid u Pa,im Ken Syiem ryngkat ki man san long san jong ka hima Mylliem.

Ha kane ka jingleh niam kala don ka jingainguh bad ka jingduwai phirat na ka bynta kito kiba la khlad kum ka jingkynmaw burom ia ki da kaba iadih ia ka kyiad um ia kaba la tip kum ka “ Iad Hai” ia kaba la buh ha u “Danar” bad dih pat ia kane ka kyiad ha ki “Jalong” ryngkat ka doh kane ka long ia ki nongleh niam katba ia ki paidbah ai da ka kyiad “Nai”.

Ka “Sohjer” ka dei ka jingleh niam Jong ki briew kiba dei hapoh ka Raid Marwet haka ba ki ju leh haman la ki ing hadien ba ki la lah ban kheit ia u soh nyngkong na ka jingrep ka jong ki da ka ba ainguh is u Blei nonggthaw bad ki suid ki shor iaki wait ki mohkhiew kiba pyndon kam haka por ban rep bad ki da buh ja khlieh khiew shuwa ba kin ia dih ia bam bad ia shad ia risa kum ka dak ka jing kmen.

Ha katei ka jinglehniam la pynphuh shuh shuh ia ka jinglehniam da ka shad tynrai ia kaba la tip kum ka “shad Sohjer” bad ka shad Karbi ia kaba la tip kum ka  “Rah Kynthei” nalor kitei la don ruh kiwei kiwei kum ka iakop rwai bad ka jingiakop shad.

 

Haba is kren bad ki nongpyniaid ka Sohjer u Monu Shakwa president Sohjer committee bad u Rajesh shakwa general secretary bad u syiem raid Ken syiem kila ong ba ka thong jong ki ka long ban pynneh laka riti dustur namar bun naki paidbah ka Meghalaya kin tip ia kane ka jingleh niam Sohjer Jong ki nongshong shnong Raid Marwet.

Ha ka juh ka por ba ki khun u paid Raid Marwet ruh kin iai bud dien ia kane ka jingknia bad ruh ba kin tip iaka jingmut Jong ka  “Sohjer” bad ki ju leh ia kane ka Sohjer mar ia sdang u snem kata ha u bnai Kyllalyngkot  man la u snem ryngkat ka jingsakhi lang Jong ki paidbah ka Raid Marwet kaba kynthup naduh byrnihat umtyrnga khanapara mawsmai bad Barapathar.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet