Shillong, Nohprah 24: Ka jingialehkai kynjat boll kaba nyngkong eh kaba la pynlong da ki shipai BSF hapdeng ki BSF bad ki trai shnong kiba don ha khappud bad ka Bangladesh la pynkut ha ka sngi sait jain, ryngkat ka jinglehkmen Khristmas ha kaba da ki spah ngut ki paidbah kila ia poi ban sakhi ia kane ka jingleh kai.
Ia kane ka jingialehkai la pyniaid da ka kynhun shipai BSF kaba 19 Bn BSF ha ki bynta jong ka Jaintia Hills Sector bad ka 11 Bn BSF Shillong Sector.
Ha ka jingialehkai phainal hapoh jong ka Jaintia Hills Sector kala long ha dpeng ka Peace United Umkiang FC bad ka Youth Progressive Lahalein FC, ha kane ka jingialehkai ka ka Youth Progressive Lahalein FC kala jop da kaba ioh thep shikol.
Ha ka jingialehkai hapoh jong ka 11 Bn BSF Shillong Sector ka phainal kala long ha pdeng ka Bordup Football Team bad ka Kynhun na ka shnong Karigora ia ka jingialehkai la pynlong ha madan kynjat boll jong ka shnpng Nalikata. Ha kane ka jingialehkai ka Bordup kala thep lai kol pyrshah ia ka KariGora.
Ha baroh ar kine ki jingialehkai u U K Nayal, DIG jong ka Headquarter Meghalaya Frontier u la long u kongsan ha kaba u la sam ia ki khusnam sha ki nongjop bad ia ka Cheque kaba T.10,000/- tyngka sha kiba jop bad T. 5000/- tyngka sha kiba rem. Ki rangbah shnong na kitei ki jaka baroh kila ia wan ban sakhi ia kane ka jingialehkai.
