Shillong, Lber 31: Na ka daw jong ka jingdon kane ka jingpang COVID-19 ha ka Ri bad kylleng ka Pyrthei, ka Deputy Commissioner jong ka East Khasi Hills District kala pynjlan biang ia ka Korphiew haduh ka 03rd Iaiong 2020. Kane ka long ha baroh kawei ka sor Shillong bad khap sor.
Kane ka jingpynjlan ia ka korphiew ka long ban teh lakam ba kane ka jingpang COVID-19 kam dei ban ioh rung ha kane ka jylla, ban iada na kane ka long da kaba shong ha la ki iing ki sem, ban but ia ki jingbthah ka tnad ka koit ka khiah ban nym ia jan para briew.
Ki jaka kiba ngat ha kane ka korphiew kin long, baroh kawei ki jaka ba hap hapoh jong ka Shillong Municipal, ki jaka kiba hap hapoh jong ka Kantonment, baroh ki jaka ba hap hapoh jong ka Mawlai Block, Mawpat Block bad Mylliem Block, ki shnong kiba la khien ba ki dei ki jaka sor.
Ki jaka ba don na jingkieng Umsherpi sha duh 7th Mer, ka Madanriting, Laitkor, Nongkseh,Umlyngka, Lawsohtun,Mawdiangdiang, Diengiong, bad Siejiong.
Ka Deputy Commissioner kala pynbna ruh, la pynlait ia kine ki tnad trei kam na ka korphiew, kita ki long, ki Shipai, ki briew kiba trei ha ki Hospital bad ki jaka ai jingsumar, kiba die lang bad die pharmasi, ka tnad pulit, ka tnad pynlip dieng, ka tnad sam bam jong ka jylla bad jong ka FCI.
Ka tnad shna surok, ka tnad sam um, ka tnad bor ding, ka Municipal Board, ka Kantonment Board, ka tnad ai jingtip, ki lat pathai khubor, Ki Bank, ATM, ki Treasuries, Ki Petrol Pump, kiba don kam kum ka tnad ka koit ka khiah, ka jingsam ia ki tyndong lyer, ka jingpynpoi bam ha ki iing, ka jingwanrah tiar ha ki iing.
Ia ki kali kiba kit marbam, ki kali kit ia ki shipai, ki kali ba kit ia ki tiar ba pyndon kam ha ki hospital bad ia ki kali ba kit ia ki tiar ba kyntup ha ki mar ba don kam u briew man ka sngi la pynlait ia ki, hynrei ka jingpeit bniah ia ki draibar kan long katkum ki kyndon ba la buh.
Kane ka jingpynjari ia ka korphiew kan nym trei kam ha ki dukan rashon bad ki dukan kiba la ithuh da ka sorkar ha ka sngi ba la buh.Ia ki Korphiew pass lah ban buh online aplikoshon da kaba leit sha kane ka website.eastkhasihills.gov.in
