La pynkha shnat ka seng HYC sa ia ka shnat trei kam hapoh shnong Nongtrai

Shillong, Iaiong 10: Ka Hynniewtrep Youths’ council (HYC) kat dang mih ki Sngi ki snem ka la nang khlaiñ nang khlaiñ ha ka jingtreikam kumjuh ruh ha ka jingbun ki samla ieit Ri kiba wan pyniasnoh bad ka.

Kane ka jingkhlain jong ka seng la sakhi ba ha ka 9 tarik Iaiong 2022 ki nongialam jong ka HYC Sengkmie hapoh ka jingialam u Bah Donboklang Kharlyngdoh Vice President ka la hiar ban suit ban shor ia ka unit ba thymmai kata kadei ka HYC Nongtrai unit

La pynlong ia ka jingialang pyntian smai ia kitei ki dkhot hapoh ka iing shnong jong ka shnong Nongtrai. Ha katei ka jingialang nalor ki nongialam ka HYC Lawbah circle, Tyrsad circle, Sawsymper circle bad Mawlai circle la iadon ryngkat lem bad ki nongkitkam shnong hapoh ka jingialam u Bah Wanbok Rinbon uba long u secretary Shnong.

La pyniaid ia ka jingialang da u President ka HYC Lawbah circle Bah Tamdor Risaw. La ioh ka jingduwai shwa ban sdang bad ka jingkren ba lyngkot na u Bah Bhaboklang Sohshang President HYC Tyrsad circle, ka jingkren maitphang na u Bah Augustine Lyngdoh Nonglait Office Secretary ka HYC Sengkmie.

U Bah Wanbok Rinbon haba ai jingkren u la pdiang sngewbha ia ka jingwan seng ia ka HYC unit hapoh ka shnong bad u khmih Lynti ba ka jingiatreilang hapdeng ka unit bad ka shnong kan wanrah ka jingmyntoi ha kiba bun ki bynta khamtam ka shongsuk shongshngain ha ka imlang sahlang.

U Bah Donboklang Kharlyngdoh haba ai jingkren u la pynpaw ka jingsngewnguh ba u Blei Nongbuh nongthaw u la ai kyrpang ia kine ki Ri lum kiba itynnad ka Ri jong ka dud ka ngap ia ka Jaidbynriew ka jong ngi. U la ong kadei sa ka kamram ka jong ngi khlem da kynthoh da kynnoh ia ka pateng kaba la leit ba kumno ngin ri bad sumar bha ia ka.

U la pynkynmaw ba kum ka Jaidbynriew rit paid, ha ka por ba ki British ne ka sorkar phareng ki la Sangeh ka jingsynshar ia ka Jaidbynriew, kim shem la ieh kumto, shwa ba kin leit, hynrei ki la shna ia ka ain iada ba kyrpang ia ngi ki rit paid, kata kadei ka Bengal Eastern Frontier Regulations Act 1873.

Kumta kum ka Jaidbynriew ka long kaba donhok ban ioh noh ia kata ka ain iada Ri ne ka ILP kaba la pynslem da ki nongialam ka BJP na nongbah Delhi. Ka HYC ka kyrmen ba ka jingiakhun bad ka NDA, ka Jaidbynriew Hynniewtrep kan sa jop bad ngin sa ioh ia ka ILP kumba la ioh ka Jylla Arunachal Pradesh, Mizoram, Nagaland bad ka Manipur.

Ha kaba iadei bad ka ishu u pud u Sam, u la ther tyngeh ia ka sorkar MDA jong u Conrad Sangma ha kaba u la ong ba kane ka sorkar kam Shem la pynbeit pud hynrei ka la leit ban iadie pud bad ka Assam. Kane ka paw Shai ba ki la die ia ka 18.46sqkm khlem ka jingbit na ki trai khyndew na ki bor synshar Hima lane na ka Khasi Hills Autonomous District council.

Shuh shuh U la pynpaw ka jingsngewdiaw bad pynrem jur ia ka sorkar India ba katba ka Jaidbynriew ka dang ap ban ithuh noh ia ka ktien khasi ha ka khyrnit kaba phra jong ka riti synshar ka Ri hynrei ngi la shah insult pynban da kaba phah pynlong compulsory ia ka subject Hindi haduh ki khynnah pule Klass X.

Ha shwa ban pyntian smai, u la ong ia ki samla haba phi shim ia kine ki jingkular kynmaw kim dei ki jingkular tang ha khmat jong ngi ki briew, hynrei Kidei ki jingkular ha khmat ka Jaidbynriew, aiu phin leh bad phin ai na bynta jong ka.

U la ong haba phi rung hapoh ka seng, kynmaw kiba bun ki jingtynjuh bad ki diengpynkiang phin kynduh nangne shakhmat, tangba long khlaiñ bad long shlur kum u Diengbilat.

U la kyrkhu kyrdoh bad kitbok ruh ia kane ka shnat ba thymmai ba kan long ka unit ka ban sei ki soh kiba thiang ha ki jingtreikam. Ki nongkitkam jong kane ka shnat  ki long

U  President  bah Dering Lyngdoh ki don ar ngut ki Vice-president bah Hilarious Borwan,  bah Shomborwel Stembon, General secretary bah Sylvester Dakhar, nalor kine la jied sa 18 ngut kiwei ki nongkit kam. Kane ka long katkum ka kyrwoh ba la pyllait da u Bah Augustine Lyngdoh Nonglait Office Secretary ka HYC Sengkmie.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet