Shillong, Iaiong 18: U Myntri ba dei peit ia ki kam ialehkai jong ka jylla Meghalaya u bah Banteidor Lyngdoh mynta ka sngi u la pyntip ba ia ka met jong u Deenadayalan Vishwa na Tamil Nadu ba wan ban ia shim bynta ha ka jingialehkai jong ka “83’d Senior National and Inter-State Championship 2021 kaba long ha Shillong hynrei la ia kynduh ia katei ka jingjia kaba sngewsih.
U myntri ba dei peit ia ki kam ialehkai haba kren ha ka jingplie ia ka jingialehkai Table Tennis mynta ka sngi ha Indoor Stadium jong ka SAI ha NEHU la ong ba ba na ka liang jong ka sorkar Meghalaya ka dap da ka jingsngewsih halor kane ka jingjia bad ka phah ia ka khubor sngewlem sha kiba ha iing ha sem.
U mytnri u la pynpaw ia ka jingsngewnguh ia ki bor ba dei peit ia ka District Administration jong ka Ri Bhoi kiba la kloi ban iarap ha kane ka por bad la lah ban pyndep ia ki jingdon kam baroh mynta ka step ha kaba la lah ban pynkit ia ka met sha Tamil Nadu mynta ka step.
Na ka liang jong ka sorkar Meghalaya ka dap da ka jingsngewsih kthang ha kaba ia dei bad kane ka jingjia bad duwai ba to u trai nongbuh nongthaw yn ai ka jingjah thait ia ka mynsiem kaba la khlad noh. Kane ka jingialehkai kaba la sdang mynta ka sngi kan kut ha ka 25 tarik mynta u bnai.
