La pynkut ia ka HANM ia ka “Women Wing jong ka seng mynta ka sngi: Boby

Shillong, Jylliew 11: U Bah Boby Basaiawmoit General Secretary jong ka seng HANM u la pynbna ba  ka seng naduh mynta ka sngi kala pynduh noh ia ka “Women Wing” jong ka seng namar kam shym la trei kam katkum ka jingthmu jong ka seng.

Haba kren ha ki nongthoh khubor mynta ka sngi ha Shillong Press Club, u la ong ba ka seng kan pynduh wat ia ki shnat trei kam jong ka seng lada kim trei kam kane kam dei tang ia kne ka shnat jong ki kynthei.

Haba ia dei bad ka “Anti Influx Cell” jong ka seng u John D Sangma u ba dei Vice Chairman jong kane ka shnat, u la ong ba kila pyntrei kam ia kane ka shnat trei kam bad haba ki leit ban pan jingbit na ka liang jong ka Deputy Commissioner kala pan por lai taiew halor kane.

Ha ka juh ka por na ka liang jong ka seng mynta ka sngi kala leit ban buh da ka jingthoh sha ka ophis jong ka Deputy Commissioner ban khang ia kino kino ki kynhun kiba kwah ban register hapoh jong katei ka ophis ia ka kyrteng jong ka seng.

Ka jingleh jong ka seng ia kane ka long ba kila ioh jingtip ba kila don ki briew kiba kwah ban register ia kane ka kynhun ha ka kyrteng jong ka HANM, ka HANM kan dei hi ka seng trei mon sngewbha la ong u Bah Lam Kharbani President ka seng.

 

What Next?

Recent Articles

Leave a Reply

Submit Comment

*