La pynlait paidbah u president ka KAS ia ka kot “Nga Niewkor” ba la thoh da u Bah Kitbor

Bah K W NongrumShillong, Jymmang 09: U Bah Kitbor W. Nongrum u la pynmih sakawei ka kot ha ka dur ki poitri kaba u la aikyrteng; “Kiba nga Ñiewkor”. Ïakane ka kot la pyllaitpaidbahmynta ka sngi da u Dr. D. R. L. Nonglait, President kaKhasi Authors’ Society ha kamratrei kam ka KAS, Shillong.

Ha kane ka kot, u nongthoh u la wanrah ha ka dur ki sonnet poitri kum ka jingsngew burom bad ñiewkor ïa ki para nongthoh kotKhasi kiba la khladnoh na ka pyrthei bad baroh kiba u lum lang ki don 56 ngut. Nangta ha ki lynnong kiba hadien u la pynrungruh ïa ki jingthoh kiba ïathuh bad batai ïa ki khla-wait ka Ri.

Ha kane ka jingïalang kaba I shongkun la pynshngaiñlang da ka jingdonki dkhot ka Khasi Authors’ Society. Haba aijingkren halor kane ka kot, u Dr. D. R. L. Nonglait u la ai ka jingkyrkhu kyrdoh bad jingïaroh ïa une u rangbah uba la lah shisha ban ïaipynnoh ïa u synñiang sha ka lyngkha ka thoh ka pule ha ka ktien Khasi bad u kyrmen ruh ba u khulom jong u, un ïai kyrsoi shuh shuh ban pynmih sa kiwei pat ki jingthoh kiba khamsnah kiba long ka jingmyntoi na ka bynta ka Jaitbynriew.

Kum ban shupynkynmaw hangne u Bah Kitbor W. Nongrum u dei u weina ki nongthoh kot Khasi u ba la paw bha ha kaba u la pynmih palat 70 tylli ki kot ha ki phang bapher bapher. U la long ruh u nongpynmih ïa ki phlim Khasi ha ki snem ba la leit bad u nongïalehkai biria batbit ha ryngkat bad ka kynhun SBUK bad ha ka Khasi Authors’ Society u bat ïa ka kam kum u Vice President.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet