Shilong, Nohprah 30: Mynta ka sngi u LM Sangma Chairman jong ka Meghalaya Public Service Commission (MPSC) u la pynlait paidbah ia ka kot kaba la thoh da u Thrumen M Sangma ia kaba la thoh ha ka ktien Garo kaba la ai kyrteng ka “Ka’tongni Sulang”.
Kane ka kot ka dei ka, ka kot poitri bad haba la kylla ha ka ktien khasi ka long “ Jingshad kyndeh ka Mynsiem”. Kane ka kot ka don 21 tylli ki lyngong ha ki bynta bapher bapher ia kaba u la pynwandur ia kane ka kot bad u nongthoh kane ka kot u Thrumen u la ong ba kane ka dei ka kot kaba nyngkong kaba u la thoh.
Haba kren ha ka jingialang ha Shillong Press Club u Thrumen u la iathuh ba ka la shimpor haduh shisnem shiteng ban pyndep ia kane ka kot bad u kmen ba lada don ba kwah ban pynkylla ia ka ha kiwei ki jait ktien khamtam ha ka ktien jongkiwei pat ki jaidbynriew.
U Chairman ka MPSC u LM Sangma ha shuwa ban pynlait ia kane ka kot ha ka jingkren jong u la ai ka jingkitbok kitrwaing da ka ba ong ba baroh u briew u don ia ka jingnang jingstad hynrei tang ki briew ki ba don ia ka sap ban thoh ki lah ban pynwandur ia ki kyntien.
Ha kane ka sngi ba pynlait ia kane ka kot la ia don lang kiba ha iing ha sem kiba la synranlang kum juh ki para lok ban ai ka jingkyrshan ha kaba ia dei bad ka jingpynlait ia kane ka kot poitri kaba la thoh da u Thrumen M Sangma.
