La pynlong ia ka jingiakopdrodur halor ka phang ‘ka jingpyndonkam ia ka bording’ ha Guwahati

Guwahati, Naiwieng 14: Ka la don ka jingpynlong ia ka jingiakopdrodur ha Guwahati halor ka phang ‘Jingpyndonkam ia ka bording’ ha Guwahati mynta ka sngi da ka Power Grid Corporation of India Ltd, North Eastern Region hapoh ka Bureau of Energy Efficiency, ka tnat Bording jong ka Sorkar Pdeng

Ka jingthmu jong ka jingpynlongia kane ka jingiakop ka dei ban kyntiew jingtip ha ki khynnah skul shaphang ka jingdonkam ban tyngkai ia ka bording. Kane ka la long ha ki ar bynta ha kaba ka Group A ka dei na ka bynta ki khynnah kiba shong ha ki klas 5 haduh 7 bad ka Group B na ka bynta ki khynnah kiba shong ha ki klas 8 haduh 10 ha kaba ki phang ki long ‘We are pro-planet people’ bad ‘Circular Economy – Reuse, Reduce and Recycle.’

La jied 55 tylli na ki 44,278 tylli ki jingdro ha ka Group A bad 16,472 tylli ki jingdro na ka Group B. La samia ki khusnam bad ki certificate sha ki nongjop ha ka prokram ba la pynlong ha Shilpagram, Guwahati.

U nongdro bad nongkren ba pawnam, u Dr. AnjanJyotiChowdhury u la pyniaid ia kane ka prokram mynta ka sngi. La pynkup burom ruh ia 10 ngut ki District Project Officer jong ka tnat pule puthi kiba la ai jingkyrshan ia kane ka jingiakopdrodur jong ki khynnah skul.

Ki nongjop jong ka jingiakop ha ka Group A ki long – AnieKashyap (1st prize – T. 50,000), DeeptanshuChaterjee (2nd prize – T.30,000) bad RocktodeepKashyap (3rd prize – T. 20,000). Ki nongjop jong ka jingiakop ha ka Group B ki long – BanasmitaKashyap (1st prize), Tahrima Sultana (2nd prize) badShrutiKalita (3rd prize).

La pynlong ia kane ka jingiakopdrodur ha ka jingiatreilang bad ka tnat pule puthi jong ka Sorkar Assam. Ka Northeast wing jong ka POWERGRID ka la trei shitom na ka bynta ka jingiaid beitiaidryntih kane ka prokram.

Haduh 5,02,275 ngut ki khynnah na kylleng ka jylla Assam ki la iashim bynta ha kane ka jingiakopdrodur. Kiwei kiwei ki heh ki hain kiba la iadonlang ha kane ka prokram ki long ka Addl. Secretary, ka tnat pule puthi, ka PrajnyaSaharia bad u Chief Electrical Officer, Nilamoni Sharma.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet