La pynlong Orientation Workshop na ka bynta ki ophisar halor ka Swachh Bharat Mission

Shillong, Naiwieng 19: Ka Bureau of Outreach and Communication (BOC), Regional Office, Meghalaya, Mizoram bad Tripura, Region  Ministry of Information and Broadcasting, sorkar India ki la pynlong ia ka

Regional Orientation Workshop ba shi sngi na ka bynta ki ophisar halor ka Swachh Bharat Mission(Urban) Awareness Campaign kaba la long ha Presbyterian Church of India, Lower Lachumiere, Shillong mynta ka sngi.

Ka jingthmu ba kongsan jong kane ka workshop kalong ban kyntiew ia ki jingtip, ban pynsngewthuh bad ban pyntbit ia ki ophisar jong ka thain halor ka phang, Swachh Bharat Mission (Urban) Awareness Campaign. Ia ka intensive Special Outreach program yn pynlong ha baroh lai tylli ki jylla jong ka Meghalaya, Mizoram bad Tripura. Ia kane ka campaign yn bteng haduh u bnai Kyllalyngkot 2019.

Haba ai jingkren ha ka jingialang plie, u Gaigondin Panmei, Financial Advisor, North Eastern Council, Shillong u la ong ba kum kine ki prokram ba la pynlong da ka BOC kan iarap ban poi sha kiba bun balang, khamtam ki paidbah kiba sah ha ki thain nongkyndong bad ki bynta ba kham sha kyndong jong ka jylla.

U la iaroh ruh ia ka jingsdang jong ka BOC ban pynlong ia ka workshop ban don ka bor ban treikam bad kyntiew ia ki jingnang jingtip jong ki ophisar ban iakynduh ia ki jingeh katkum ka jingkylla sted ka por. U la pynpaw shuh shuh lada baroh kim iadon bynta lang ha ka jingkylla ka por, kan long kaba eh ban poi sha ka thong jong ka Swacch Bharat Abhiyan.

U la bynrap ba ka jingleh khuid leh suba kalong kaba kham kongsan ban ia ka jinglaitluid ha ka synshar khadar kumba la ong u Gandhi. Bad kata ka kyrdan jong ka jingleh khuid kadei ban long kajuh hapdeng baroh ki briew ha ka imlang sahlang, bad kumjuh ruh ka jingkylla kadei ban wan napoh nalade hi.

U Bah T. Hynniewta, Station Director, Doordarshan Kendra Shillong, ha ka jingkren jong u, u la kyntu ia ki ophisar ban long ki khmat bad ka sur jong ka sorkar. U la ban ia ka jingdonkam ban iaphiah ia ki niut ki nier sha ki niut kiba pyut bad ki bym pyut khnang ban ioh ia ka mariang kaba khuid bad ka jaka kaba bha ban shong ban sah. U la ban ruh ia ka jingdonkam ban aiti ialade ban pynurlong ia ki jingthmu jong ka sorkar ha ka ri baroh kawei ban pynlong ia ka ri kaba khuid, kaba lait na ki niut ki nier bad ki nongbah kiba lait na ka jingleit shabar pathar.

U Dr Engam Pame, Director, BOC u la ong ba ngi long ki atiar jong ka sorkar pdeng bad ki mishoneri ban pyntreikam ia baroh ki scheme sorkar bad kadei ban sdang nyngkong hapoh phyllaw lajong. U la ban ruh ba ngi donkam ban long kiba phikir haba ki iakynduh ia ki briew naduh na trai khnang ba kan long kaba myntoi.

U la pynpaw ruh ha ka jingialang ba ki jingsdang ba kongsan jong ka Bureau Of Outreach and Communication kalong ban pyntip ha ka imlang sahlang ia ki jingthmu bad ka thong jong ka sorkar ha ka ri kaba long ban pynpoi shaduh u briew ba khatduh. U la pynpaw shuh shuh ba nalor ka jingsam jingtip, ki kam jong ka BOC ki kynthup ruh ia ka jingwanrah ia ka jingiatreilang ha ki shnong ki thaw.  U la ong ba kane ka campaign ba kyrpang kan iarap ban kyntiew ia ka ri.

Ha ka technical session, ki nongai jinghikai (resource person) na ka Swachh Bharat Mission, PHE, sorkar Meghalaya, u Bah Khrawkupar Suja, Sanitation Engineer bad Bah Willybertstar Diengdoh, SLWM Consultant ki la ai ki jingpynshai jong ki ha kane ka jingialang.

Ha kane ka jingialang la iadonlang ruh ki dkhot na ka All India Radio, Doordarshan Kendra, DAVP, PIB, NGO, ki khynnah pule bad katto katne kiba iadon bynta ha kum kine ki prokram. Ia ka jingialang la pyniaid da ka kong Delicia Jyrwa.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet