La pynlut ka KHADC T.7.77 klur ban tei ia ka “Khasi Traditional Medicine Institute”

Shillong, Nailar 20: Ban pynneh pynsah ia ka jingai dawai kynbat kaba ki Khasi kila sdang naduh ki por kulong kumah ia kaba dang iai bteng haduh kine ki sngi, ban kham pynjanai shuh shuh ia kane ka jingai dawai kynbat ka Khasi Hills Autonomous District Council (KHADC) kala tei ia ka “Khasi Traditional Medicine Institute” ha lum Sohpetbeng.

Ka jingtei ia ki iing na ka bynta kane ka kam ban pynneh pynsah ia kane ka jingai dawai kynbat la lah ban pyndep ha ka jinglut kaba T.7.77 klur tyngka ha lum Sohpetbneng kaba dei ka jaka jong ka KHADC bad kiba san mynta ka long ban shna ia ki surok bad ban ker kynroh ia kane ka jaka ba don katei ka KTMI.

U bah Teiborlang Ptahaw EM ba dei peit ia ki iing jong ka KHADC, u la ong ba na ka liang jong ka KHADC ka kwah ban pyndep noh ia kane ka Institute kaba kyrpang namar kaba sah mynta ka long sa tang ka jingker kynroh ia kane ka jaka, ban ring um bad ban ring ia ka light bad katto katen tylli ki kynroh kiba hap ban leh.

La iathuh ba ka jingpyntrei ia kine ki iing kiba don ha katei ka jaka kala kot sha ka T.7.77 klur tyngka bad mynta kan wan sha ka bynta kaba lai ban ker ia ka kynroh bad ban sna ia ki surok hapoh kane ka jaka bad ban ring ia ka um bad kum juh ka light, haba ia dei bad kane dang pynkhreh kumno ban pyndep ia kine ki jingtrei.

Haba ia dei bad ka jingieh ia kine ki iing kumto khlem nongpeit ia kiba la dep ban shna ia ki, na ka liang jong u bah Pathaw u la ong ba la pan na ka EC ban buh ia ki nongap namar ia mynta la shu phah ap ha kito ki nongap khlaw jong ka KHADC kiba don phra ngut ha katei ka jaka.

Ki iing kiba la dep ban shna baroh na ka bynta kane ka kam ban pynneh pynsah ia ka jingai dawai khasi ha katei ka jaka baroh ki long haduh hynniew tylli bad baroh kine ki iing la dep ban shna.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet