La pynpoi ia ki pipe um kiba heh  ban pump ia ka um na krem dewiong ha Ksan

Shillong, Kyllalyngkot 04: Ban pump ia ka um na ka kren dewiong ha Ksan kaba la ngeit ba 15 ngut ki nongtih dewiong kila duh ia la ka jingim ki pipe um kiba heh kila poi mynta ka sngi ha katei ka jaka ha East Jiantia Hills ha Ksan.

Ki kor pump um jong ka Coal India Limited kiba 100 HP ruh kila poi ha kane ka jaka bad ka jingpynkhreh ban pyndait ia kine ki kor pump um kiba heh haka iaid sha khmat bad la antad ba la shai ka sngi la lah ban sdang ia kane ka jingpump ia ka um na katei ka kren.

Mynta ka sngi la pynpoi ruh ia ki generator kiba heh ban pyndon kam ha ki kor pump jong ka Coal India Ltd bad ka jingpynkhreh kala iaid sha khmat kumno ban pump ia kane ka um khnang ban lah ban sei ia ki briew kiba la ngeit ba kila iap hapoh kane ka krem dewiong.

Ka iing bishar kaba ha khlieh duh jong ka Ri India kala bethah ba dei ban ioh sei ia kine ki briew kiba iap ha kane ka krem dewiong kaba tih beain ia u dewiong na katei ka jaka ha Ksan kaba la wanrah ia kane ka jingiap jong ki briew.

 

What Next?

Recent Articles

Leave a Reply

Submit Comment

*