La pynrung ia ki 180 ngut kiba la pyndep ia ka jinghikai mynta ka sngi ha ki kam shipai

Shillong, Naiwieng 03: Mynta ka sngi u Lt General u DS Ahuja GOC jong ka 101 u la shim ia ka salute ha ‘Harish Parade Ground’ jong ka 58 Gorkha Training Centre ha kaba la pynrung ia ki 180 kiba la pyndep ia ka jinghikai mynta ka sngi ha ki kam shipai.

Haka jingkren jong u GOC jong ka 101, u la ai khublei kyrpang ia kine ki 180 ngut ki samla kiba la pyndep ia ka jinghikai bad naduh mynta ka sngi la pynrung iaki ha ka kynhun shipai.  Na ka liang jong u Lt General u Ahuja u la ban jur ia kawei ka phang ba ki dei ban long kiba shlur, ba kin bat ia ka jingkular bad ia burom jong ka kynhun shipai jong ka Ri India.

U GOC jong ka 101, u la ai ka jingkhublei kaba kyrpang ruh ia ki kmie ki kpa kiba la don lang ha kane ka sngi sah kynmaw ba ki khun jong ki kila long ki shipai ba pura naduh mynta ka sngi dei da ka jingbtin lynti jong ki ba kine ki 180 ngut kila lah ban pyndep ia ka jinghikai ba kin don ha ka kynhun shipai jong ka Ri India.

Ha kane ka sngi la pynkup burom ruh ia kine ki shipai kiba la pynrung mynta ka sngi ha ki namar ka jingleh jong ki ban pyni ia kata ka sap ka bynta ha ka por ba ki dang sah hikai ha kane ka kam shipai, ha kane ka sngi u Upendra Gurung u la ioh ia ka jingshah pynkup burom ia kaba la tip kum ka ‘Overall Best Recruit’ ha kaba ki kmie ki kpa jong u ruh kila ia don lang ha kane ka sngi.

What Next?

Recent Articles

Leave a Reply

Submit Comment

*