Shillong, Risaw 20: ka KSU NEHU Unit ka la ioh ban pynskhem iaki nongkitkam ba thymmai na bynta ka samoi treikam jong u snem 2017-18. Ia kane ka jing pynskhem la pynlong ha old guest house NEHU mynta u bnai ha kaba la sakhi da ki spah ngut ki samla pule.
La pyndep iaka jingtian smai da u General Secretary jong ka KSU sengkmie samla Donald V Thabah haka jingdonryngkat ki nongialam na ki circle bapher bapher. Ha kane ka sngi la pynlong ruh iaka jingiakynduh lang jong baroh ki samla khasi bad la pdiang burom iakito kiba dang shu ioh pule hakane ka skulbah.
Ha kane ka sngi U Samla Rangbah uba dei ruh u Nongialam barim jong ka KSU seng kmie bad ruh kum u Chairman ka North East Students’Organisation u bah Samuel B Jyrwa u la shah khot kum u kongsan bad u bah Wailadmiki Shylla kum u symbud kongsan.
Lah pynitynnad shuh shuh iakane ka sngi da ki jingrwai bad jingshad na ki samla pule kane skulbah. La ioh ruh ban jied ia U Rangkynsai bad Thei Lasubon jong u snem 2017-18 ha kaba u samla Baiengskhem Lyngdoh u la ioh iaka nam lahduh Kum u Rangkynsai bad I samla Labelfi Khyriem kum I Thei Lasubon.
Ha kaba iadei bad ki nongkitkam ba thymmai jong ka KSU NEHU Unit, u Samla James Hitler Mawphniang u la shah jied kum u President , samla Shiningstar Kharbihkhiew kum u Vice-President, Samla Pynkmenlang Sanmiet kum u General Secretary, samla Pynkmenlang Marngar kum u Asst General Secretary, samla David Rilang Nadon kum u Finance secretary, samla Barness Sadd kum u Organising Secretary, samla Pynshai Kupar Dkhar kum u Education Secretary, Samla Iarapbhathik Shangrit kum u Publicity Secretary, samla Aitilang Mynsong kum ka Socio-Cultural Secretary, bad kiwei dei ki Executive members kiba ym duna iaka 20 ngut.
