La rah ia ka Met u Dr Donkupar sha Sohra, untep don burom la shai ha Shella

Shillong, Naitung 30: Ia ka met jong u Dr Donkupar Roy bam kwai ha dwar u Blei la rah mynta ka sngi sha Sohra ban buh ha ka iing soh jong u mynta ka miet bad ia ka jingleh burom katkum ka rukom jong ka sorkar ia kaba la tip kum ka “State Funeral” yn pyndep la shai ka sngi ha Sohra.

Ha dien ka jinglehburom kaba khatduh ha Sohra la shai ka sngi yn rah ia ka met sha Shella ban tep don burom ia u Speaker jong ka iing dorbar thawaiñ ka jylla Meghalaya. Ha kane ka sngi da ki hajar ki paidbah kiba la mih na Shillong ban leit synran lang ia ka met jong u ne u nongialam ha ryngkat kiba ha iing ha sem.

Ha kine ki sngi la iohi ba na ka liang jong u Myntri Rangbah ka jylla u Conrad K Sangma bad ki myntri jong ka sorkar MDA baroh kawei kila ia don lang naduh ka sngi ba wanrah na Delhi sha Guwahati bad kum juh mynta ka sngi ban leit buh sha Sohra bad la shai ka sngi kan don la jingleh burom kaba khatduh ha Sohra.

Na ka liang jong ki nongki nongialam jong ka party UDP kila ia don lang ban synranlang ia ka iing ka sem baroh kawei kaba mat ha kane ka jingjia ba sngewsih. Ki paidbah kiba la ia tuid sha iing jong u Dr Donkupar ha iing sorkar la iohi ym tang ki heh sorkar hynrei haduh ki nongkyrshan bad ki paidbah ban pynpaw ia ka jingsngewsih halor ka jingduh noh ia u nongialam  u ba ka jaidbynriew ka dangkam.

 

 

What Next?

Recent Articles

Leave a Reply

Submit Comment

*