La rah ia ka PWD North Division sha Shangpung ia khih ka synjuk ki Waheh Shnong Jowai

Shillong, Naiwieng 16: Ban pyrshah ia ka jingrah ia ka ophis jong ka PWD North Division na Jowai sha Shangpung ka synjuk ki waheh shnong Jowai mynta ka sngi kila khot ia ka jingiakhih da kaba shong iing ha baroh kawei ka sor Jowai kaba long 12 kynta naduh san baje mynstep haduh san baje jan miet.

Na ka liang jong ka tnad PWD kala pyntrei kam ia ka rai ban rah ia kane ka ophis na Jowai sha Shangpung bad ia ki tiar ki tar la dep ban kit naduh kine ki sngi sha Shangpung khlem da sngap shuh ia ka jingpyrshah jong ka synjuk ki waheh shnong wat la ki khot ia kane ka jingiakhih ‘Stay At Home mynta ka sngi.

Na ka liang jong ka sorkar kala dep ban shim ia ka rai ba ha katei ka jaka ba don ka ophis jong ka PWD North Division Jowai yn tei noh ia ka Mini Secretarait ha kaba u myntri rangbah ka jylla u Conrad K Sangma ruh dang shen u la wan ban jurip ia kane ka jaka.

Ha kane ka sngi ba ka synjuk ki Waheh shong ki khot ia kane ka jingiakhih, ka sor Jowai kala kynjhar jar jar namar bun na ki paidbah kila ai ka jingkyrshan ia kane ka jingiakhih ban pyrshah ia katei ka rai jong ka sorkar ban rah ia ka ophis jong ka PWD North Division sha Shangpung.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet