Shillong, Nohprah 30: Kum ka jaidbynriew khasi – Pnar mynta ka sngi kala rakhe ia ka lyngkhuh sngi iap ban 160th snem jong u khlawait ka ri u Kiang Nangbah u ba la shah sien phasi ha ki pahreng ha Iew Mawsiang kaba hap West Jaintia Hills District.
Ha West Jaintia Hills ia ka jingleh burom pynlong ha Syntu Ksiar ha ka jaka ba la pyneng ia u mot jong u Kiang Nangbah, ha rud kaba myntdu kaba u Kiang Nangbah u la ia pan ia ka hukum da kaba ngam hapoh um ban ioh ia u phlang kum ka jingiateh jutang.
Mynta ka sngi ki seng bhapher bapher kiba don ha Jaintia Hills kila leit ban buh ia ki syntiew ha khmat jong u tei u Mot jong u khla wait ka ri, bala aiti ban leh lade ban ia khun ban pynlait luid na ka kti jong ki nongwei.
Ha nongbah Shillong, ka jingleit ban buh syntiew ban burom ia u Kiang Nangbah ki seng bahpher bapher kila pynlong ia ka jingleit buh syntiew ha khat u mot ba don ha jan Civil Hopital bad ha State Central Library Shillong.
Ki nongialam seng baroh kiba la kren ha kane ka sngi ki pynpaw ia ka jingiakhun jong u Kiang Nangbah pyrshah ia ki pahereng kiba la leh don bor, hynrei kum ka jaidbynreiw ka dang hap ban ialeh ia shubun ki jngeh kiba ktah ia ka jaidbynriew.
Ki seng kiba khampaw kiba la buh syntiew ha khmat dur mot jong u Kiang Nangbah, ki long ka KSU, FKJGP, HYC, HITO bad kiwei kiwei de ha Shillong, ha Jowai ka seng HANM, JSU, JSM bad kiwei kiwei dei ki seng kiba la kynaw burom ia u Kiang nangbah ha kane ka lyngkhuh sngi iap ban 160th Snem.
