Shillong, Naitung 03: Ka Meghalaya State Planning Board Working Group-IX kaba la ia kynduh ha ka jing pyniaid u Bah Rowel Lyngdoh, MLA, Co-Chairman, MSPB ba dei khmih ia ka jingtreikam ki State Plan Schemes ka jingmang tyngka bad ka jingpyntreikam ia katei ka jingmang tyngka ia ki tnad Mining bad Geology, Information Technology and Communication (IT&C), Forest bad Environment, Science bad Technology cell na ka bynta u snem 2014-2015, 2015-2016, bad 2016-2017 kila ia kynduh ban ia thir mynta ka sngi.Kitei ki tnad ki la buh ha khmat ka SPB ia ka kaiphod kaba batai bniah ia ki jingtreikam bad ia kitei ki report ka tnad working group -IX hadien ka jingbishar bniah kin sa phah ia ka kaiphod sha u Chairman, MSPB na ka bynta ban rai kiba kum kino ki jingai jingmut kin phah sha ka Sorkar Jylla
Ha katei ka jingialang na ka tnad ka ITC katto katne ki mat treikam kiba ki la pynpaw ka long ka jingpynkhreh ia ka Technology Park kaba dang iaid shakhmat bad kumba 80 percent la dep pyntrei. Ka ITC dept ka don ka jingthmu ban buh ia ka E-Learning Center na ka bynta 25 ngut ki khynnah skul na ka bynta ka (JEE bad NEET) kaban long online. Haba ia kren halor ka jingai computer sha ki Skul ka IT&C dept ki la pynpaw ba kumba ka long mynta ka sngi katei ka scheme kaba iaid lyngba ka jingiarap na ka NEC ki don kumba palat 1000 tylli ki skul kiba la ioh ia katei ka jingmyntoi bad mynta u snem la buh ia ka thong ban ai biang ia bun tylli ki skul. Ka State Planning Board ka la ai jingmut ia ka tnad IT & C ban thaw lad ban wanrah ia ka E-Waste Program khnang ban ioh ban lum tikna ia ki tiar IT kiba la rim bad kibym pyndon kam shuh.
Na ka liang ka Science & Technology Cell-Planning Department, ki la ai ka jingpynshai halor kiba bun ki kam kaba ki la pyntrei kam bad ka SPB Working Group IX ka la rai ban khot kyrpang biang ia ki ban ia kren halor katei ka phang, katkum ka kaiphod kaba la ai da katei ka tnad ka paw ba ki la pyniaid ha kaba la pyntreikam ha ki 39 tylli ki shnong ia ka technology intervention, ha kaba dang iai ap ia ka kaiphod halor katei ka phang, la pynlong ia ki science awareness camp, earth day, bad world environment day, ha kaba ki khynnah skul kiba bun ha ki 11 tylli ki block ki la ia shim bynta, la pynsngew ba ka jylla ka la shim bynta ha ka National Children Science Congress, ha kaba 8 tylli ki best projects ki la shah jied ban leit ia shim bynta ha ka National level kaba la long ha Baramati, Maharastra, ka jingtrei bad jingpynkhreh ia artylli ki Digital Planetarium cum innovation Hub ka la sdang ha Tura bad kaba ha Shillong dang pynkhreh ban soi ia ka MOU, la pyntip ba ka tnad S& T, ki la lah ban buh haduh 11 tylli ki Community Orchid Parks, bad la pynkhreh ia ka jingbuh thup ia ka jingdon ki rukom sumar da ki dawai tynrai.
Na ka liang ka tnad Mining bad Geology, ki la pyntip ba haduh kine ki sngi na ka bynta ki kam Minor Minerals ki la ioh pdiang 6 tylli ki nong apply ia ka license ban tih parmaw bad ia kitei ki application ka dang iaid ka jingbishar kaba bniah katkum ki kyndon ka Meghalaya Minor Minerals Concession Rules 2016 bad hashen kin sa pyllait ia ka license.
Kiwei kiwei kiba ka don bad kiba la ia shim bynta ki long u bah John F Kharshiing, Bah Francis Pondit Marak, Co-Chairman, Dr Manash Dasgupta, Dy Chairman, Shri. RM Mishra, IAS, Principal Secretary, Planning, MSPB, etc kynthup ki officials jong ki tnad sorkar ba bun. U Co-Chairman, Bah Rowell Lyngdoh, MLA, namar ka jingkhim ka por u la pynwai ia ka jingialang da kaba bthah ba ka Working Group-Ix kin sa khot biang ia katei ka jingialang ban ioh ia kren kham bniah halor kitei ki kam haneng.
