La sdang ka jingialehkai kynjatbol ka Kur Knockout Football Tournament 2017 ha Smit

Kur Knockout SmitShillong, Naiiweng 12: Ka Dorbar Ki Khlieh Nongsynshar Ka Ri hynniewtrep, ha ka jingpyniaid jong u Bah John F Kharshiing, Chairman, Ka Dorbar Ki Khlieh Nongsynshar Ka Ri Hynniewtrep, Spokesperson, Federation of Khasi States, bad u Bah Harlinjai Skhemlon, Sirdar Hima Mawdon, bad Secretary.

Ka Dorbar Ki Khlieh Nongsynshar ka Ri Hynniewtrep, bad Federation of Khasi States,  ha ka sien kaba lai ha ka 11 tarik November 2017, ka la sdang ia  ka jingialeh boll 3rd Inter Hima bad Elaka Seng Samla Kur Knockout Football Tournament 2017,  ha Krissimai Syiem Mini Stadium, ha Smit, ha kaba la wan plie da u Paiem Dr Balajied S Syiem, Syiem Khyrim bad u Bah Latiplang Kharkhongor, MDC, Executive Memberba dei peit ia ki kam  Elaka KHADC u Bah latiplang Kharkongor u ba dei ruh  Vice Chairman, Kur Kharkongor.

U bah H Skhemlon, Sirdar Hima Mawdon, Secretary,  Ka Dorbar Ki Khlieh Nongsynshar ka Ri Hynniewtrep, bad Federation of Khasi States, ha Ka jingkren plie u la kyntu ia ki kur ban ia Lum Lang ban ia long kiba peitngor ban ia da ia Ka Ri bad ka jaidbynriew bad ka thong Jong Ka Dorbar Ka long ba ki kur ki kyndit thiah bad sngewthuh ia Ka jingkordor Jong Ka jinglong kur u Khasi.

Hakaba plie ia katei ka jingialeh kaba Lai u Paiem Dr Balajied S Syiem u la ong ba ka long kaba donkam bha ban  pynlong ia kane ka jingiakynduh ban ia kynmaw ia ka thymmei bad u la ai khublei ia u Bah John F Kharshiing, u ba la sdang ia kane ka phang lyngba ka football bad u pynpaw ia ka jingkmen ba kiba bun ki kur mynta ki la sdang ia lum ia lang ban ia tip kur tip kha bad ban bat ia ka jingiateh kur.

U Bah Latiplang Kharkongor, MDC, EM i/c Elaka KHADC, u la ong ba ka KHADC ka la pynkhreh ia ka Bill ban pynlong AIN ia ki Dorbar Kur ban buh ryntih ia ki KUR namar ka jaidbynriew Khasi ka shong nongrim ha ka KUR kumta u la pynpaw ba u long uba kloi ban ia don bynta ha kum kine ki kam bad u sngewkmen ba u la ioh bynta naduh 2015, 2016, bad mynta 2017, bad u la ai khublei ia U Bah John Kharshiing uba la iai bteng ia kane ka kam kaba khia khlem sangeh bad u la ai mynsiem ba kane ka kam ka dei ban pur ha baroh kawei ka Ri Khasi.

U Bah John F Kharshiing,  Chairman, Ka Dorbar Ki Khlieh Nongsynshar Ka Ri Hynniewtrep, u la ong ba kaba donkam ka long ia ki KUR baroh ban  sei ia ka Census ia ka jingdon paid ban tip ia ki kUR kiba shitom kiba jynjar, ban tip ia ki KUR kibym don iing kiba shong wai bad ban kit lem ia kiba kyrduh ha kaba pan ba shitom.  U la ai khublei ia baroh ki KUR kiba wan shakhmat ban ia shim bynta bad u la ong ba kane ka pyni ba ka jaidbynriew ka dang im ka dang skhem ha  la ki nongrim.

U Bah Kynsai M Syiem, Sordar Smit, u la yntu ia baroh ban long kiba bat ia Ka por bad ka discipline khamtam ki player football. U la ai Ka jingiaroh ia ki nongpyniaid ia Ka jinglah ban bteng ia kane Ka jingialeh boll kur kaba lai.

La ioh jingkren na u Bah L Arun Mawrie, President Kur Mawrie, uba la pynpaw ia ka jingmyntoi kaba la mih na kum kane ka jingiakynduh ki KUR bad u la ai khublei ia u Bah John F Kharshiing, uba la trei shitom ban kyrsiew thiah ia ki KUR baroh hapoh kane ka bri Hynniewtrep, bad u la kyntu lang ia baroh ki Kur ban ai ka jingiasnohlang ia kum kane ka kam kaba bha.

U Bah Francis Nongdhar, Rangbah Kur Nongdhar, u la pynpaw ka jingkmen ban ioh lad biang ha ka sien kaba lai ban ia mih ha ka madan ban ia kynduh lang ia kiwei ki Kur u la ai khublei ia u Paiem, u Bah John F Kharshiing kiba la pynlong ia kum kane ka jingialeh kai kaba plie ka lad ia ki samla kur ban  ia ithuh para KUR.

Kiwei kiba la ia kren bad kiba la don lang ki long u Kongor A Diengdoh, Bah Kynsai M Syiem, Sordar Smit,  u Bah L Arun Mawrie, President, Kur Mawrie, u Bah Francis Nongdhar,  Rangbah Kur Nongdhar, Lyngskor Sohtun, Hima Mylliem, Bah W Sohtun, President Seng Samla Sohtun, Rangbah Kur Surong, Secretary Kur Tariang,  Bah Theory D Myrboh, Vice President, Kur Myrboh, u Bah E J Kharbihkhiew, President, Seng Kur Kharbihkhiew, Bah Teibor Kharkongor, Asst Secy, Kur Kharkongor, Bah KP Nengnong, Rangbah Kur, Bah Jester Khyriemujat, Rangbah Shnong, Nongmadan Smit, Bah P Kharshiing, Rangbah Shnong, Laitkor Mawrie Nonglum, ki nongkitkam Seng Samla Smit Pyllun, bad kiwei kiwei.

Ha katei ka jingiakhun kaba lai ki KUR la wan poi haduh 36 KUR  - Nongdhar, Mawrie, Nongrum, Wankhar, Rynjah, Kurkalang, Khongwet, Mylliem Umlong, Tham, Suting, Kharkongor, Kharsati, Nongspung, Khongsngi, Kharbyngar, Dkhar, Buam, Khongjoh, Kharumnuid, Marbaniang, Kharshiing, Sohtun, Kshiar, Mukhim, Lynshiang, Nengnong, Tariang, Mylliemngap, Lyting, Nongkhlaw, Kharmawphlang, Mawthoh, Kharbihkhiew, Surong,  Mynsong, bad kur Myrboh,

Ha katei ka jingialeh kaba nyngkong ia kynduh ka KUR Mawrie bad Nongdhar ha kaba ka jingiakhun ka long kaba ia khaid bha bad ha kaba ka kur Mawrie ka la ioh pynkhih jar bad jop da shi goal ban jop pyrshah ia ka Kur Nongdhar ha ka sngi plie.  Katei Ka jingialeh boll Ka long tang ha Ka sngi saitjain bad sngi iew umni laitnoh ki sngi kyrpang.

What Next?

Recent Articles

Leave a Reply

Submit Comment
*