Shillong, Lber 19: Ka sorkar Meghalaya kala pyntreikam ia ka “Temperature Scanning” na ka bynta kiba wan rung ki briew kiba wan na sha bar ka jylla sha Meghalaya ia kane la leh ha Byrnihat jong ka Ri Bhoi District.
Haba kren ha u SP News Agency, ka Deputy Commissioner jong ka Ri Bhoi District ka kong R M Kurbah kala iathuh ba ia kane la sdang mynnin ka sngi ha ka por jan miet bad kane ka jing leh ia ka “Temperature Scanning” kan long baroh 24 kynta.
La iathuh ba haduh mynta ka dang don tang kawei ka mashin ban eksamin ia ki briew kiba wan rung sha kane ka jylla kane ka long ia baroh kat ia kiba wan na sha bar ban rung sha Meghalaya.
U Director jong ka tnad ka koit ka khiah u la iathuh ba ia kane ka temperature scanning la eh ha ki saw tylli ki jaka, ha Byrnihat, Air port, ha Dawki bad kawei hapoh jong ka High Court jong ka jylla Meghalaya.
Laiathuh ia mynta kine ki thermal scanner ki dang poi tang saw tylli, na ka liang jong ka tnad ka koit ka khiah kala dep ban phah thied 24 tylli ki ban dang poi ki long sa arphew tylli.
