Shillong, Iaiong 03: Ha kine ki sngi ki riew rangbah ki thain khappud sawdong jong ka Khasi Hills kila thaw ia ka seng “ All KHasi Hills Achick Federation” bad ha kane ka jingseng ia kane ka seng la jied ia u Clavestar Ch. Marak kum u president ba nyngkong.
U John D Sangma general secretary jong kane ka seng AKHAF. U la ong ba la seng ia kane ka seng na ka bynta ban peit kyrpang ia ki shnong ha ki nongkyndong kiba ym don ba peit lem na ka bynta jong ki kiba don ha khappud.
Ki jingeh kaba ki paidbah ki ia kynduh ha ki nongkyndong ka long ki lad ai jingsumar, ki lynti syngkieng, ka pule puthi, ki kam ki jam, ka jingkhuid jingsuba, na ka liang jong ka AKHAF kan sa rah ia kine ki jingeh sha ka sorkar ban pynsngew ia ki.
La iathuh ba nalor u President bad u general secretary la jied ruh ia kine ki nongkit kam jong ka seng, U Gitalu D Sangma kum u vice president, U Rakesh D Shira, Joint Secretary, U Manuel Ch Marak, publicity secretary, U Helibes Ch Momin kum u organizing secretary, U Lediyson G Marak kum u education secretary bad u Witnes M Marak kum u nongai buid.
U General secretary u John D Sangma u la ong bas hem kin sa khot ia ka jingialang paidbah ha Shillong ban ia kren ia ki jingeh jong ki paidbah nongkyndong kiba shong ha khappud ban ioh ban pynrung dkhot sha ka executive committee ban pynkhlain ia ka seng.
