La seng ia ka HFU ha Bhalaganj Block bad kumjuh ruh ha Laitkroh Block

Shillong, Nailur 01: Ha ki ar tylli ki Blcok, la seng  tylli ki shnat bad kawei kawei ka kynhun pynkha ka HFU Ki Nongrep hapoh ka jylla naduh ki nongri jingri haduh ki nongrep ia ki mar bapher bapher ha ka jylla ki la nang ioh mynsiem ban seng ia ki shnat treikam bapher bapher bad kumjuh ruh ban iatylli kawei hapoh ka shatri jong ka Hill Farmers Union (HFU) khamtam ban iakren ia ki jingeh ba ki nongrep ki iakynduh.

Ha kane ka taiew ba la dep ka HFU ka la iohi ban jied ia ki nongkitkam ha ki ar tylli ki Block kynthup ia ki nongkitkam jong ka Bhalaganj Block jong ka thain Shella bad kumjuh ruh ka Laitkroh Block ha ka thain Lyngkot.

Nalor kane la ioh ruh ban jied ia ki nongkitkam ha ki ar tylli ki unit jong ki ar tylli ki shnong kata ha Mawliehdein bad Nongumsaw kaba don ha West Khasi Hill District. Shuh shuh ha ka sngi thohdieng jong ka taiew ka seng ka la ioh ruh ban jied ia ki nongkitkam jong ka Plangkynshi Circle.

Ha ka jingjied ia ki nongkitkam jong ka Laitkroh Block la iadon lang da u President bad u Secretary jong ka Central body kata u bah Commander Shangpliang bad u bah Alfondbirth Kharsyntiew.

Ia ki nongkitkam jong ka Bholaganj Block la jied ha ryngkat ka jingiadon ryngkat u Assisstant General Secretary bah Bankitbok Kharsyntiew. Ia ki nongkitkam jong ki ar tyli ki Unit la leit ban pynskhem da u President jong ka HFU Nongstoin Block Bah Z Tympuin bad ia ki nongkitkam jong ka Phlangkynshi Circle, thain Riwar, mawkyrwat la leit ban pynskhem da u Bah Maiantis Lyngkhoi President jong ka HFU South West Khasi Hill District ryngkat bad ki nongkitkam ka Mawkyrwat Block.

Na ka liang jong u Bah Commander Shangpliang President jong ka HFU sengkmie haba kren ha ka jingialang ha Laitlyngkot u la kyntu ia ki nongrep ba kin shong jingialang bad leit rah ia ki jingeh sha ki bor sorkar ha la ki jong ki jong ki area bad halor ki jingeh bapher bapher ba ki iakynduh bad ka kamram jong ka seng ka sengkmie ka long beit ban tuklar lada ki bor sorkar kim shah shkor.

Halor ka jingbteng ban ot ki lo u bah Commander Shangpliang u la ong ba ka long kaba donkam ia ki nongrep ba kin iatylli kawei ban nym shah shuh ban ot kilo bad u la kyntu ruh ban nym sheptieng lada ki nongkhaii kim thied shuh namar ka seng ka long kaba kloi ban pynbeit ia kane ka jingeh da kano kano ka lynti wat haduh ban leit die sha ki phyllaw Secretariat lane phyllaw District council lada ki nongthied kim thied shuh.

Halor ka jingbym ioh jingiarap ki nongrep haba pynjulor ia ki mar rep u la ong ba ka long kaba dei ba ki nongrep kim ju ioh jingiarap namar kam don ka jingmang pisa kyrpang ia ki nongrep haba don ka jingpynjulor ka mariang, kumta dei ban ieng tylli kawei ba ka sorkar kan mang tyngka naka bynta ki nongrep khnang ba yn lah ban ioh jingmyntoi ha kiba bun ki liang.

Ki nongkitkam jong ka Bholaganj Block ki kynthup ia u bah Ksanboklang Kharshiiing president bad la jied Secretary ia u Bah Edmund Khongsya bad la jied ruh ia kiwei kiwei ki nongkitkam.

U President jong ka Laitkroh Block u dei u bah Allenson Shabong Secretary samla Ethylberth Khongrymmai. Ki nongkitkam jong ka Phlangkynshi Circle ki kynthup ia u President bah A marwangar, Vice president LK Nohriang, Secretary MCK Nohriang, Assistant Secretary T Shylla, treasurer Budstar Dewsaw, Adiser Phailang Marngar bad u Rev, HW Nongbsaw bad la jied ruh ia ki Executive member.

Na ka bynta ka Unit hapoh Nongumsaw la ialam bad jied president ia I kong Duitalin Marngar bad ia ka Unit Mawliehdein la jied nongialam President ia I kong Saldaris Wanniang.

What Next?

Recent Articles

Leave a Reply

Submit Comment

*