La shah ban tih dewiong, tangban hap ban but katkum ki kyndon: Conrad

Shillong, Nailur 11: U Myntri rangbah ka jylla u Conrad K Sangma haba jubab ia ka jingkylli jong u MLA ka Mawphlang u Bah Syntar Klas Sunn ha kaba ia dei bad ka rai jongh ka Supreme Court ha kaba ia dei bad ka kam dewiong ha kane ka jylla Meghalaya u la ong ba katkum ka rai kaba la pynmih ha ka 03/07/2019 ka long ba la shah ban tih dewiong tangba hap ban but katkum ki kyndon kiba la buh.

U Myntri rangbah u la ong ba katei ka rai ka long kaba kongsan namar lyngba kane ka rai la pynthikna ia ka jinglong trai ia ka khyndew ka shyiap, ha ka juh ka por ban iaid sha khmat don kam ban but ia ki kyndon katkum ka Minerals (Development and Regulation) Act 1957 bad ka Minerals Concession Rule 1960 bad ka rai jong ka National Green Tribunal kan nym don shuh.

Kane ka long ba hap ban pyniawan lang ryngkat ryngkat ha pdeng ka ioh ka kot bad ban pynneh pynsah ia ka mariang bad ban iada ia ki nongtrei ha ki jaka par dewiong. Ia ka jingbit hap ban ai da ki trai jaka, nangta kin phah sha ka sorkar jylla bad ka sorkar jylla kan phah sha ka Ministry Coal ban leh ia ba don kam bad ia ka mining plan hap ban pynkhreh da ki briew kiba la ithuh da ka sorkar.

Haba jubab ia ki jingkylli bynrap kiba la buh da u Zenith M Sangma, u myntri rangbah ka jylla u la ong ba ka don ka jingklumar jingmut ha ki paidbah, hynrei da kane ka rai kala shai kdar ba ka jaka dei jong ki trai jaka, ban trei don kam ia ka jingbit namar hap ban iada ia ka mariang bad ka jingshngiang jong ki nongtrei dewiong. Ka rai kala shai bay n nym lah shuh ban tih kumba long mynshuwa.

Halor ka jingkwah jingtip jong ka Dr Ampareen Lyngdoh ha kaba ia dei bad ka jingtih dewiong ia kaba la tip kum ka “Rat Hall Mining” u myntri rangbah u la ong ba kum kane ka jingtih dewiong kaba tih ha Meghalaya ki don ha kiwei ki jaka ruh, hynrei la tip kum ki “Tunnel mine” . La iathuh ruh hapoh ka iing dorbar ba ka sorkar pdeng kala shah 100% ba lah ban bei pisa na sha bar ri ha ka kam dewiong.

Haba ia dei bad ka jingbit ban tih dewiong u myntri rangbah ka jylla u la ong ba lada ka jaka tih dewiong ka heh palat ia ka 150 Hektar hap ban ioh ia ka jingbit na ka “Ministry of Environment and Forest” jong ka sorkar pdeng.

Haba ia dei bad ka jingkynthoh jong u Dr Mukul Sangma ba kane ka jingleh ka pynshlur ia ki kam tih dewiong beain, u Myntri rangbah u la ong ba kane ka sorkar mynta kala leh ia kaba don kam ban ia ka sorkar kaba la leit noh, u la kylli ruh aiu ka sorkar barim ka laleh ha ki san snem kiba la leit noh. U la kyntu ia u nongialam ka liang pyrshah ban ia treilang na ka bynta ka jingmyntoi jong ki paidbah.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet