Shillong, Jylliew 15: U Bah Prestone Tynsong Symbut Myntri Rangbah ka jylla u la iathuh ba ha dien ba la ioh ia ka jingkyrpad na baroh ki jait niam ba ka sorkar ka dei ban shah ban pyndep ia ka naim ka rukom ha ki jaka mane Blei ia ka jingiathoh shong kurim na ka liang jong ka sorkar kala pdiang ia kane ka jingkyrpade bad kala shim ia ka rai ban shah tang ba katkum ki kyndon.
Haba kren ha ki lat pathai khubor mynta ka sngi, u la ong ba ha ka jingialang kaba la pyniaid da u myntri rangbah ka jylla mynta ka sngi kila ia kren ia kane ka jingkyrpad jong ki jaid niam bapher bapher bad ka sorkar kala pdiang ia kane ka jingkyrpad ba la shah ban pyndep ia ka jinglehniam leh rukom na ka bynta ka jingiathoh shong kumrim ha ki jaka mane Blei.
Haba ia dei bad ka jingplie ia ki jaka mane Blei ka sorkar ka dang khang kumba la shim ha ka jingialang kaba ka long ha ka 9 tarik mynta u bnai ha ka jingiadon lang ki nongialam niam na baroh, ia ka jingkhang ia ki jaka mane Blei kan dang iai bteng haduh ban da pynbna da kumwei pat.
Kito ki niam kiba don ka jingpyniathoh shong kurim kin hap ban apply ban ioh ia ka jingbit na ki Deputy Commissioner bad ha dien ba la ioh ia ki aplikoshon ki DC jong kito ki jaka kin sa ai ia ka jingbit hynrei hap ban bud ia kyndon kiba la buh da ka sorkar kumba la dep ban pynbna.
Na ka bynta ban plie biang ia ki iing basa bad ki jaka jngohkai pyrthei ka sorkar kala aiti sha ki DC ban kin khot ia ka jingialang bad baroh kito kiba don bynta ha kane ka kam bad ha dien ba la khot ia ka jingialang ki DC kin hap ban phah ia ka koit phot sha ka sorkar bad ka sorkar kan shong ban shim ia ka rai.
