Shillong, Risaw 07: Ka Meghalaya Schools Welfare Development Association-Central Body (MSWDA-CB) kan pynlong iaka jingialang paidbah la shai ka sngi ha ha Khasi National Durbar Hall, Mawkhar, kaban sdang ha ka por 11.30 baje mynstep.
Ki mat ba kongsan ban iakren ha katei ka jingialang ki long halor ki jingeh jong ki nonghikai kiba ia dei bad ka resolt ka NIOS halor ka Result D.El.ED (offline) ka kaiphot halor ka Improvement Exam ka ban pynlong da ka MBOSE ia kaba la phah da ka Education Department, sha u Director of School Education bad Literacy ha ka 1 tarik u Risaw 2019 kaba la shim rai ruh halor ka rai jong ki nonghikai ha ka jingialang kaba la dep ha ka 14 tarik u Nailur 2019.
Ha kane ka jingialang kin ia kren ruh na ka bynta ki Permitted Secondary School bad Pre-Primary kiba khlem ioh jingiarap na ka Sorkar. Ban iakren halor ka jingeh jong ki school ha kaba iadei bad ka Mid Day Meal (MDM) na ka bynta ki katto katne ki mat ba donkam kiba iadei bad ka Education Policy.
Halor kane la kyrpad ia baroh ki schools naduh ki Secretary, ki Head bad ki nonghikai ba kin iapoi khnang sha katei ka jingialang na ka bynta ka jingbit jingbiang jong ki school bad ki nonghikai baroh. La ongu Bah B Dohtdong nongai ktien ka MSWDA ha ka kyrwoh kaba la phah mynta ka sngi.
