Shillong, Nohprah 16: U General Secretary jong ka KSU u samla Donal V Thabah haba kren ha ka jingiakhih shong kyllain mungor jong ki paidbah ka jylla Assam kiba sah ha Meghalaya, u la ong ba la shai ka sngi ka NESO kan ujor sha Supreme Court pyrshah ia ka Citizenship Amendment Act 2019 jong ka sorkar pdeng.
Haba kren ha kane ka jingialang u la ong ba ki jaidbynriew ka jylla Assam bad ki khasi kala don ka jingiatreilang naduh kip or hyndai na duh ka por jong ki Syiem Ahom ha kaba ki khasi kila ai ka jingkyrshan bad kum juh ki Assames kila kyrshan ia ki Khasi ha kaba ia leh pyrshah ia ka jingwan kyrthep ki briew ban a bar.
Ha kane ka jingialang u samla Donal u la ong ba don kam ka jingiatrei lang da baroh ban ia khun pyrshah ia kane ka CAA ban pynthikna ba kane ka ain kan nym trei kam ha kane ka dong shatei lam mih ngi jong ka Ri India. La ong katba ka jingialeh hapoh iing bishar kan dang iaid ka jingiakhih ruh kan dang iaid haduh ban da iohi ba kane ka ain kan nym trei kam ha North East.
Ha kane ka sngi kiwei ki nongkren ki long u D Dhyan ba dei na ka jylla Assam u la ong ba ka jingiakhih ka long ban pyrshah ia ka jingthmu jong ka Ri India ban pyniaid paid ia ki briew jong ka dong shatei lam mih ngi jong ka ri India da kaba ai ia ka ILP sha kiwei ki jaka bad sha kiwei ki jylla pat kam treh ba ain.
Ka long kmie ka Purobi Barua kala ong ba kane ka jingiakhih shnong kyllain mungor mynta ka sngi ka long ban pyrshah ia ka ain jong ka sorkar pdeng kaba long pyrshah ia ka Assam Acord kaba la soi ha u snem 1985. Kumba ka long mynta ka Barak Vally kala leit sha kati jong ki Bangladesh kiba don tuid sha ka jylla Assam. Kane ka jingiakhih ka long ban iada ia ki long dien ban wan.
